Video
Read full review
2021-07-02
99 views
深水埗一路都愈開愈多好令既打卡Cafe 已經bookmark左好多間都想去 但一直都未有機會去到 新既Cafe實多太多 今次就試左呢間純白色既迷你毛先啦 我地晏晝兩點鐘去到餐廳門口 已經有人係門口等梗位 可能因為當日係紅日公眾假期會比較多人 我地入去攞飛個陣問店員大約要等幾多張枱左右 店員話要等四張 餐廳好細心 準備左風扇仔俾客人係門口等位個陣用 餐廳都算大 都有好多張枱 我地大約等左半個鐘左右就可以入座 係等位期間已經諗定食咩好 坐低就即刻叫我地叫左一個意粉 一份窩夫同埋兩杯飲品 飲品跟餐可以減十蚊 大熱天時點可以唔飲返杯凍野 意粉我地揀左帶子龍蝦汁闊條麵 意粉既份量係一人份量 有四粒帶子 帶子好好味 食落好鮮甜 闊條麵係好粗身個隻 好掛汁 好juicy 但個人就唔太中意呢款闊條麵 如果係普通既意粉就更加好喇 不過朋友就幾中意食窩夫我地揀左煙三文魚班尼迪窩夫 賣相好令 好中意呢個配搭 首先上面係有pat荷蘭醬 之後就係水波蛋 再有舊煙三文魚 下面就係牛油果 最後就係窩夫 呢個配搭直係好完美 全部都係好中意食既野 一次過就可以滿足晒 個人就唔太中意個荷蘭醬 食落好酸好重醋味 店員好好人
我地叫左一個意粉 一份窩夫同埋兩杯飲品 飲品跟餐可以減十蚊 大熱天時點可以唔飲返杯凍野
意粉我地揀左帶子龍蝦汁闊條麵 意粉既份量係一人份量 有四粒帶子 帶子好好味 食落好鮮甜 闊條麵係好粗身個隻 好掛汁 好juicy 但個人就唔太中意呢款闊條麵 如果係普通既意粉就更加好喇 不過朋友就幾中意食
窩夫我地揀左煙三文魚班尼迪窩夫 賣相好令 好中意呢個配搭 首先上面係有pat荷蘭醬 之後就係水波蛋 再有舊煙三文魚 下面就係牛油果 最後就係窩夫 呢個配搭直係好完美 全部都係好中意食既野 一次過就可以滿足晒 個人就唔太中意個荷蘭醬 食落好酸好重醋味 店員好好人 幫我將個醬分開左上 一切個水波蛋 啲蛋汁即刻漏晒出黎 好治癒 佢地既蛋幾特別 係好深色既橙色 好重蛋味 將蛋汁 煙三文魚 牛油果同埋窩一次過擺晒入口 感覺好豐富 好似好多野咁 佢地既窩夫仲係熱辣辣 食落有少少甜味 好香脆 另外仲有啲沙律菜做伴碟 沙律菜好新鮮
飲品揀左一杯火龍果乳酪 火龍果呢個味道感覺幾特別 俾人感覺幾健康 好少會係外面既餐廳飲到 所以就揀左呢個 飲落酸酸地 幾開胃 唔會太甜
另外仲叫左杯凍既抹茶鮮奶 飲落好重抹茶味 又唔會太甜 好好味
整體黎講 餐廳環境好令好大好舒服 門口仲有個打卡位 最值得一讚既係店員服務態度好好 好有禮貌 價錢合理 食物幾高質 值得一試
左：抹茶鮮奶 右：火龍果乳酪
$36
18 views
0 likes
0 comments
帶子龍蝦汁闊條麵
$138
10 views
0 likes
0 comments
煙三文魚班尼迪窩夫
$95
20 views
0 likes
0 comments
Post
