茶涮涮 (Closed)

屋企人book左位同我慶生。放工就即刻坐車去銅鑼灣百德新街茶涮涮。驟眼望落舖頭新淨感覺良好。我到前屋企人已經嗌咗信州白味噌和牛湯鍋。之後再等我嗌，生日大晒梗係唔會放過佢哋😂日本玉子豆腐、油揚、蜂巢豆腐，豆製食物我都中意，油揚無油億味，讚！跟住再嗌咗六頭南非大虎蝦（2隻） $158  同鹿兒島A5和牛肉眼$398，雖然價錢唔係超值，但性價比高👍所以叫咗三轉😆😆開心開心🥰蝦非常新鮮又啖啖肉，和牛肉眼啲雪花脂肪不得了，食過A 5和牛都知道嗰啲脂肪溶喺個口嘅感覺，到而家都一再回味😋😋總結今晚既生日飯不停嗌真係好開心，質素高服務好，推薦俾大家！