Homeland (彌敦道)

Open Now

Now Closed

之前係荃灣已經食過海鮮幾好食😍～今次帶媽咪黎慶祝生日😆我地叫左奥爾良海鮮滋味共享套餐（2人份）包一個海鮮拼盤（中）、兩個餐湯、兩個沙律、一個主食、兩杯飲品，如揀特飲都有半價，亦可額外跟據喜好再追加小食🤓新奥爾良海鮮拼盤（中）波士頓龍蝦、阿根廷珍寶赤蝦、鮮活大蜆、蟶子、海蝦、德國腸、粟米、墨魚仔、香烤薯仔、青口、西蘭花等等，超級足料，加入蒜香牛油汁非常惹味，仲可以揀兩款汁，招牌秘製BBQ、檸橄叼草忌廉，可以有不同味道～超級豐富😍我覺得4個人食都綽綽有餘！法式鮮打龍蝦湯餐湯濃稠香濃，仲有蝦係入面🤓煙三文魚凱撤沙律沙律菜好fresh脆口爽爽～63°C溫泉蛋卡邦尼意粉非常creamy，蛋黃爆開後蛋香混合於其中，帶咸香之餘口感夠晒絲滑😆蒜香辣椒炒大蜆（少辣）+$68夠晒惹味，肉質飽滿，份量都夠多～熱蜂蜜柚子蜜｜熱柑橘蜜（套餐送！） 另外仲單點左～黑松露牛肝菌芝士薄餅皮薄脆口，黑松露醇醇，芝士咸香，成個Pizza口感豐富😋～冬蔭功珍寶赤蝦闊條麵冬蔚功汁幾惹味，香香辣辣咁擺盤勁靚～蝦都勁大隻😋甜品拼盤 超超超級靚😍 個花靚到我以為本身隻碟有😱😱真人手逐筆畫落去🥹勁有心機，媽咪收到都勁開心，打卡一流！