舍利鮨 (Closed)

全部食客排排坐吧枱位置，就算隔離坐咗唔識嘅人都有塊透明板隔住，防疫衛生都做得幾足👍🏻而且，每枱枱頭都有一枝消毒搓手液，食得安心又放心～➡️真鯛壽司肉質鮮美彈性十足，清淡優雅得嚟帶細膩油脂，非常出色👏🏻➡️金目鯛壽司油脂含量適中，肉質細綿且鮮味滿溢💦➡️池魚刺身賣相晶瑩剔透😍散發陣陣油脂芳香～肉質彈牙又肥美，入口爽脆細嫩。刺身醃於以蔥花、薑蓉同味醂調製嘅醬汁，非常入味🤤➡️鱧魚天婦羅層次分明，中層有紫蘇葉，配上莓醬。以酥香薄脆嘅外層包覆住柔軟嘅魚肉，口感一流😋食過全港大大小小omakase，呢間絕對屬水準之上！今餐真係食到欲罷不能，味蕾簡直有如去咗一趟日本旅行🇯🇵👅