樂天皇朝 (利舞臺廣場) (Moved) New Location

🔺樂天皇朝 (利舞臺廣場) (銅鑼灣)🔻特色皇朝小籠包（八色）🔸️原味：必食原味小籠包，爆多湯汁，佢唔會一咬穿就辣口，夠熱得黎可以成粒放入口感受爆汁感。🔸️糟溜絲瓜：啖啖絲瓜香氣，比原味多一層香味。🔸️鵝肝：咬開小籠包，濃濃鵝肝味攻出黎，一啖好有咬口既鵝肝咁。🔸️黑松露：呢款食落好似飲緊黑松露湯咁，好滿足。🔸️芝士：呢款係淡淡芝士香，唔係有堆芝士係入面好膩咁。🔸️蟹粉：呢個必推，蟹粉好香同小籠包好夾。🔸️蒜香：呢款係原味既重口味版本。🔸️川味：好輕微既辣，主要係川菜既香料味。🔻川味水煮美國牛小排我揀阻小辣已覺得麻同辣都好足夠，食得辣既朋友一定要挑戰下！一上枱勁大碗2個人都食唔晒，牛小排份量有成十幾舊，食極都仲有，食得出係靚牛，唔會比麻辣味蓋過，仲食到有牛香味，肉質都好軟腍唔韌，入面有大量薯粉，芽菜，木耳，豆皮，增加飽足感，極體好惹味刺激。