翠林辣蟹舫

🇭🇰Hong KongAverage expense pp: HKD$400-500+📍Address: 翠林辣蟹坊, Tsim Sha Tsui鍾意食避風塘炒蟹嘅人，一定聽過呢間餐廳！真心覺得佢嘅小炒菜式真係好食！超期待既避風塘炒蟹，蒜香香辣惹味，炸蒜份量肉眼見到多！餐廳採用嘅係新鮮嘅肉蟹，我哋一點餐，就用新鮮嘅蟹炒出來，由於係肉蟹，蟹肉份量超級多，啖啖肉質鮮甜🦀幾個人share一份都會覺得好滿足。除咗蟹好出色之外，前菜黃金豆腐，炸到香脆可口，椒鹽嘅外皮非常惹味，入面嘅豆腐好滑。個人特別喜愛黃金炒鱔球，鱔球好新鮮肥美，再加上佢嘅黃金酥脆係有鹹蛋黃製成，份外酥香！食咗咁多煎炸野，我哋叫咗上湯魚肚浸時蔬，上湯幾清甜，整體上感覺良好，老闆特別好客，令客人食得幾開心。節日喜慶或者家庭聚餐嚟呢度食飯，不失為一個好選擇。