Video
Read full review
2024-06-03
636 views
星期日係中環覓食，發現原來附近好多餐廳星期日都唔開門😰🔒已經好肚餓，就求其喺附近搵咗一間茶餐廳，見啲凳都好似坐得幾舒服，就入去試吓😎豉油皇厚切豬扒腸仔炒公仔麵 $68見到個名覺得好吸引就嗌咗，一上枱真係太香，唔記得咗影相就已經切咗塊豬扒🤣🤣塊豬扒煎得幾淋，同幾入味🐷腸仔就係正常廚師腸，不過個公仔麵就略嫌太重豉油，太鹹了，係相入邊都見到啲色水好深，所以就係呢度扣咗少少分😰鹹牛肉雞蛋三文治 (烘底) $42等到2 點半，就係為咗叫佢個下午茶餐，識叫一定係叫蛋牛治🥪我就加多咗$2 要埋烘底，塊麵包係厚切，烘得啱啱好，脆卜卜，炒蛋同鹹牛肉仲係熱辣辣，炒蛋中和咗牛肉嘅鹹味，而且好足料，就咁食一邊已經飽咗一半🤰🏻🤣煉奶西多士 $38係最邪惡嘅西多士呀🤤😈西多炸得好脆，切開咗4 舊嚟炸，所以每一啖都可以食到脆嘅邊皮，外面嘅煉奶同牛油俾熱辣辣嘅西多整溶咗，然後咬落去仲有花生醬夾心陷，我就係要呢啲味道🫵🏻😍鍾意食甜嘢嘅你哋，一定要嚟試下佢！.總括嚟講，以茶餐廳水準呢間食物質素幾好，而且環境舒適，係附近唔知食咩又唔想食太貴嘅，都可以嚟試下😉
豉油皇厚切豬扒腸仔炒公仔麵
$68
62 views
0 likes
0 comments
豉油皇厚切豬扒腸仔炒公仔麵 $68
見到個名覺得好吸引就嗌咗，一上枱真係太香，唔記得咗影相就已經切咗塊豬扒🤣🤣塊豬扒煎得幾淋，同幾入味🐷腸仔就係正常廚師腸，不過個公仔麵就略嫌太重豉油，太鹹了，係相入邊都見到啲色水好深，所以就係呢度扣咗少少分😰
鹹牛肉雞蛋三文治
$42
55 views
0 likes
0 comments
鹹牛肉雞蛋三文治 (烘底) $42
等到2 點半，就係為咗叫佢個下午茶餐，識叫一定係叫蛋牛治🥪我就加多咗$2 要埋烘底，塊麵包係厚切，烘得啱啱好，脆卜卜，炒蛋同鹹牛肉仲係熱辣辣，炒蛋中和咗牛肉嘅鹹味，而且好足料，就咁食一邊已經飽咗一半🤰🏻🤣
煉奶西多士
$38
223 views
0 likes
0 comments
煉奶西多士 $38
係最邪惡嘅西多士呀🤤😈西多炸得好脆，切開咗4 舊嚟炸，所以每一啖都可以食到脆嘅邊皮，外面嘅煉奶同牛油俾熱辣辣嘅西多整溶咗，然後咬落去仲有花生醬夾心陷，我就係要呢啲味道🫵🏻😍鍾意食甜嘢嘅你哋，一定要嚟試下佢！
.
總括嚟講，以茶餐廳水準呢間食物質素幾好，而且環境舒適，係附近唔知食咩又唔想食太貴嘅，都可以嚟試下😉
Post
