姚姚酸菜魚 (屯門市廣場2期) (Closed)

麻辣嘢真係令人停唔到口，一邊怕辣，但一邊又瘋狂食辣，所以會覺得而家嘅川菜店越開越多。而呢間我係唔同分店都食過好幾次，質素都好唔錯，咁好啦就刺激吓味蕾，食一食麻辣香鍋及番茄魚啦！餐廳以清新嘅Tiffany Blue為主色調，簡約設計有質感，地方雖然唔係太闊落，但潔淨坐得舒適。餐牌內好多選擇，有姚姚首創雙拼酸菜魚、麻辣香鍋、四川小菜、麻辣小食、特色甜品等等，川菜地道風味美食。麻辣香鍋   (鍋底$48)   香酥豬扒 ($50)  金針菇 ($38)  萵筍片 ($38)  蓮藕片 ($38)  花菜 ($38)  招牌菜麻辣香鍋，可以自由選配材料。大大個香鍋，材料都係新鮮炒起，味道非常香！我哋揀咗小辣，食起嚟味道香濃，又麻又辣，又帶點芝麻香，配上唔同食材嘅口感，真係非常滋味，配上白飯一流！香酥豬扒鮮嫩爽脆，肉質鬆軟，食落有油香帶點爽，特別一提金針菇、萵筍片、蓮藕片及花菜都有輕輕走過油，所以香脆爽口，整個麻辣香鍋食起嚟十分惹味！姚姚番茄魚    $288招牌菜姚姚酸菜魚，上次食過，今次就試吓番茄湯底，呢款係唔辣嘅。呢個係二人份量，個鍋超大，材料十足，餐廳用上有認證嘅鱸魚，食得安心又健康，而