楓 (Closed)

呢間餐廳我已經食過三次，最吸引我就係佢嘅慢煮雞叉燒，喺出面好少會見到！今日朋友有少少唔舒服，就一於帶佢嚟食烏龍麵😜▫️炙燒慢煮雞叉燒蕃茄湯烏龍麵 ($88)每次都必叫呢款！烏龍麵有3個湯底選擇，包括鰹魚、咖喱同蕃茄，我自己就最鍾意鮮甜嘅蕃茄湯，入邊真係有蕃茄蓉架！雞叉燒有4大舊，食落非常嫩滑，帶有少少炙燒味，食落好惹味🥰▫️章魚大阪燒 ($88)大板燒都幾大個，章魚份量都多，除此之外，仲有大量椰菜同蟹柳，好足料！餐廳真係幾有人氣，當日夜晚7:00去到已經大部份食物都售罄，連我最想試嘅烤蛋糕同乳酪雪糕都冇晒，真係令我好失望，唯有下次早啲嚟啦🥹📍楓 旺角廣華街1號仁安大廈地下32B-D號舖