灜鐵板燒

Open Now

Now Closed

餐廳位於尖沙咀，廚師有三十幾年鐵板燒經驗，不斷嘗試各種配搭，務求將菜式精益求精。🥗時令沙律多種蔬菜做成，淋上特製的沙拉汁，清新爽口。🥚鐵板蒸蛋好有心思咁用左蛋形既器皿，蒸蛋好嫩滑，上面有魚子醬同鵝肝，為蒸蛋既味道增添豐富既層次同奢華感。🦐瀨尿蝦餐廳用左斑馬瀨尿蝦，因為本身肉比較削，所以一般都係用椒鹽。但呢度廚師就用左特別既烹調手法保留左彈牙既口感同鮮甜既味道🍊日本蜜柑豚肉卷一道爐端燒既菜式，以豬肉同日本蜜柑製成既卷物，結合左柑橘的甜味和豬肉的鮮美，特製既醬汁更加係錦上添花💮活鮑魚仔用左南非鮑魚，生熟度岩岩好，加上香氣濃郁既黑松露醬，帶黎更高級同豐富既口感。🐮日本和牛薄燒和牛薄片油脂豐富，入面包住香口既炸蒜同蔥，令香味更濃郁，仲搭配左wasabi蛋黃醬，入口酸酸甜甜同辣辣地，更加惹味🍚鐵板炒飯每次食鐵板燒都一定有既炒飯，平時多都係櫻花蝦或者黑松露。呢度特別用左九州特產，日本三大醃菜之一既高菜漬，另外師傅仲落左蛋黃醬一齊炒，再加上鐵板既鑊氣同師傅既手藝，令味道更加提升🥣麵豉湯🍨開心果雪糕