Video
Read full review
2024-04-29
28 views
食中菜梗係要跟次序啦，呢間餐廳由前菜到主食都保留住中菜嘅特色感，而我都感到非常詫異，居然係一間西餐廳嘅格調品嚐到咁高質素。前菜方面，先有蝦多士、陳醋排骨同素春卷。煎炸嘅小食唔會太過火，咬落脆卜卜。陳醋排骨，酸酸甜甜幾開胃。海鮮方面，有一個海鮮羹同蒜蓉蒸扇貝。海鮮湯羹飲落去都幾足料，加上大量嘅豆腐粒粒，唔會太鹹。而蒜蓉蒸扇貝亦都唔會過咗火喉，蒸得啱啱好，咬落爽甜。小食類型方面有呢款棒棒蝦吉列包，白色嘅外皮夾膜非常鬆軟，裏面嘅棒棒蝦形成咗強烈嘅口感對比！啖啖蝦肉，再加上滋味嘅千島醬，好味推介。去到主食有魚、雞、牛可以選擇，我就揀咗脆皮燒牛肋骨。外皮用上炸粉，咬落酥脆萬分，牛肋骨已經預先切好，口感好似牛腩一樣，牛味香濃！最後當然唔少得有甜品，朱古力歌劇院蛋糕同香橙凍撻都令人印象深刻！建議先品嚐香橙味，酸酸甜甜嘅口感份外輕盈，然後再品嚐邪惡嘅朱古力，真係好完滿！！
前菜方面，先有蝦多士、陳醋排骨同素春卷。煎炸嘅小食唔會太過火，咬落脆卜卜。陳醋排骨，酸酸甜甜幾開胃。
海鮮方面，有一個海鮮羹同蒜蓉蒸扇貝。海鮮湯羹飲落去都幾足料，加上大量嘅豆腐粒粒，唔會太鹹。而蒜蓉蒸扇貝亦都唔會過咗火喉，蒸得啱啱好，咬落爽甜。
小食類型方面有呢款棒棒蝦吉列包，白色嘅外皮夾膜非常鬆軟，裏面嘅棒棒蝦形成咗強烈嘅口感對比！啖啖蝦肉，再加上滋味嘅千島醬，好味推介。
去到主食有魚、雞、牛可以選擇，我就揀咗脆皮燒牛肋骨。
外皮用上炸粉，咬落酥脆萬分，牛肋骨已經預先切好，口感好似牛腩一樣，牛味香濃！
最後當然唔少得有甜品，朱古力歌劇院蛋糕同香橙凍撻都令人印象深刻！建議先品嚐香橙味，酸酸甜甜嘅口感份外輕盈，然後再品嚐邪惡嘅朱古力，真係好完滿！！
Post
