Video
Read full review
2023-04-16
205 views
-🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽-本身我食餃子必定要配好多醋，但甜記嘅餃子同湯底味道實在夠哂豐富，連醋都唔洗點，每一粒都皮薄饀靚，係舌尖上嘅享受😌。🥢 10隻湯餃子 🆙餃子味道可以揀單/雙拼，湯底可以揀雞湯/蕃茄薯仔湯。蕃茄湯係比較稀身嘅，鮮甜嘅蕃茄味同餃子好夾，酸酸地好開胃😋。食到最尾真係唔經唔覺飲哂碗湯咁滯，而且唔係好覺口渴(應該冇加太多味精😆)。餃子口味點評由最好食排起: 🥟 西洋菜豬肉餃 🆙 每一啖都勁多西洋菜，夠新鮮冇渣👍，同埋好似唔多地方會包西洋菜做饀，本身中意食西洋菜嘅千祈唔好錯過😍。🥟 粟米芝士雞肉餃 🆙味道偏甜，有少少似金寶粟米湯嘅味，可能加埋芝士嘅關係，雞肉饀食落好滑唔鞋口🥰。🥟 洋蔥薯仔牛肉餃 🆗口味偏重，真係好似塞咗一道小菜入粒餃子咁😆，洋蔥好爽口，但牛肉比較膩，自己一個食2-3隻就會有啲太飽🫢。🥟 香芹荽茜豬肉餃 🆖菜肉比例係肉比較多，但豬肉口感麻麻地，而且芹同茜嘅味又唔係好夠，相比起其他新口味，傳統口味餃就好似冇咁出色，所以建議可以留返quota 試其他味。🥢 麻辣青瓜牛展絲 $35 🆙青瓜同牛展都切到薄同尖身好方便兩樣夾起一齊食，撈埋醬汁好開胃，呢個價
-
🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽
-
本身我食餃子必定要配好多醋，但甜記嘅餃子同湯底味道實在夠哂豐富，連醋都唔洗點，每一粒都皮薄饀靚，係舌尖上嘅享受😌。
🥢 10隻湯餃子 🆙
餃子味道可以揀單/雙拼，湯底可以揀雞湯/蕃茄薯仔湯。蕃茄湯係比較稀身嘅，鮮甜嘅蕃茄味同餃子好夾，酸酸地好開胃😋。食到最尾真係唔經唔覺飲哂碗湯咁滯，而且唔係好覺口渴(應該冇加太多味精😆)。
餃子口味點評由最好食排起:
🥟 西洋菜豬肉餃 🆙
每一啖都勁多西洋菜，夠新鮮冇渣👍，同埋好似唔多地方會包西洋菜做饀，本身中意食西洋菜嘅千祈唔好錯過😍。
🥟 粟米芝士雞肉餃 🆙
味道偏甜，有少少似金寶粟米湯嘅味，可能加埋芝士嘅關係，雞肉饀食落好滑唔鞋口🥰。
🥟 洋蔥薯仔牛肉餃 🆗
口味偏重，真係好似塞咗一道小菜入粒餃子咁😆，洋蔥好爽口，但牛肉比較膩，自己一個食2-3隻就會有啲太飽🫢。
🥟 香芹荽茜豬肉餃 🆖
菜肉比例係肉比較多，但豬肉口感麻麻地，而且芹同茜嘅味又唔係好夠，相比起其他新口味，傳統口味餃就好似冇咁出色，所以建議可以留返quota 試其他味。
🥢 麻辣青瓜牛展絲 $35 🆙
青瓜同牛展都切到薄同尖身好方便兩樣夾起一齊食，撈埋醬汁好開胃，呢個價錢份量咁多性價比好高👍。醬汁叫咗少辣，辣味夠但麻味就差少少。
🥢 醉雞 $50 🆗
醉雞酒味唔係咁濃，反而杞子甜味好突出，雞肉都醃到好嫩，唔會太鹹。份量算係ok但咁啱我地嘅雞件都比較肥同多骨🫠。
📌不設訂位~ 當日星期日二人枱6:45pm 等咗大概半個鐘。七點開始就好多人排隊，因為餃子即叫即整所以turnover 唔算快🥲。
📌星期日未到晚上七點已經賣哂南瓜忌廉餃同京蔥羊肉餃，想試特別味嘅可能lunch過嚟會比較易食到💪。
🌟評價 𝗥𝗮𝘁𝗶𝗻𝗴𝘀🌟
食物 𝗙𝗼𝗼𝗱 8/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7.5/10
服務 𝗦𝗲𝗿𝘃𝗶𝗰𝗲 7/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8.5/10
整體 𝗢𝘃𝗲𝗿𝗮𝗹𝗹 7.75/10
-
🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽
-
🗺 甜記餃子 (旺角)
旺角通菜街2Q-2Z號鴻輝大廈地下2號舖
🗺 甜記餃子 (太子)
太子砵蘭街450-454號HQ大廈地下C-D號舖
🗺 甜記餃子 (長沙灣)
長沙灣昌華街23號富華廣場19號地舖
Post