Video
Read full review
2023-03-08
18 views
💁♀️💁♂️ 5/3/2023(Sun), Dinner🍽為食妙妙好多年前曾經喺大角咀返過工，而今晚A先生同為食妙妙搵食去到大角咀呢間，正正就係當年為食妙妙既工作地點附近，為食妙妙估唔到經過咁多年，開左間咁高質既雞煲/燒烤餐廳 @火滾安哥雞煲酒館 ，店家裝修得簡約舒適，坐位都好寬敞，坐得好舒服，最重要係店主以至每位店員都主動熱情，令人食得輕鬆自在。餐廳既雞煲唔係一般食到用濃濃既醬汁煮成既雞煲，而係用上酒香帶出食物鮮味既雞煲，靠既就係食材既鮮味。就等我地介紹下今晚我地order咗d咩東東啦：🔆 二人套餐（$398）二人套餐包括有一個例牌既火焰海鮮雞煲、一碟火鍋拼盤同埋一個時令鮮菜盤。落單後，店員奉上火鍋豉油同埋四小碟調味料包括有蔥花、蒜🧄蓉、辣椒🌶️同埋芫荽俾客人按自己喜好調製豉油嚟點火鍋同雞煲既配料食。🔆 火焰🔥海鮮鷄🐔煲（例）店員先捧出一個大鐵鍋，內裡鋪滿住海鮮雞🐔煲既食材，包括有主角新鮮雞件、蝦🦐、蜆、豬膶、萵苣、竹笙、竹蔗、馬蹄、蟲草花、雲耳同埋新鮮雞雜。之後店員會加入一壺🍶花雕加米酒入去個鍋入面，先至蓋上煲蓋加熱。直至聞到鍋內發出花雕同米酒煮滚揮發既香氣，呢個時候店員就會用火槍喺
💁♀️💁♂️ 5/3/2023(Sun), Dinner🍽
為食妙妙好多年前曾經喺大角咀返過工，而今晚A先生同為食妙妙搵食去到大角咀呢間，正正就係當年為食妙妙既工作地點附近，為食妙妙估唔到經過咁多年，開左間咁高質既雞煲/燒烤餐廳 @火滾安哥雞煲酒館 ，店家裝修得簡約舒適，坐位都好寬敞，坐得好舒服，最重要係店主以至每位店員都主動熱情，令人食得輕鬆自在。
餐廳既雞煲唔係一般食到用濃濃既醬汁煮成既雞煲，而係用上酒香帶出食物鮮味既雞煲，靠既就係食材既鮮味。
就等我地介紹下今晚我地order咗d咩東東啦：
🔆 二人套餐（$398）
二人套餐包括有一個例牌既火焰海鮮雞煲、一碟火鍋拼盤同埋一個時令鮮菜盤。落單後，店員奉上火鍋豉油同埋四小碟調味料包括有蔥花、蒜🧄蓉、辣椒🌶️同埋芫荽俾客人按自己喜好調製豉油嚟點火鍋同雞煲既配料食。
🔆 火焰🔥海鮮鷄🐔煲（例）
店員先捧出一個大鐵鍋，內裡鋪滿住海鮮雞🐔煲既食材，包括有主角新鮮雞件、蝦🦐、蜆、豬膶、萵苣、竹笙、竹蔗、馬蹄、蟲草花、雲耳同埋新鮮雞雜。
之後店員會加入一壺🍶花雕加米酒入去個鍋入面，先至蓋上煲蓋加熱。直至聞到鍋內發出花雕同米酒煮滚揮發既香氣，呢個時候店員就會用火槍喺鍋邊上點火，鍋邊立時被火焰🔥包圍住，更釋放出更濃既酒🍶香味，正正切合咗火焰🔥呢個菜式名字同埋店名“火滾”😂。再煮多一陣酒精揮發完之後，店員就提議我地可以先食海鮮，之後再食其他配料。
不過由於酒香味好香濃既關係，我地就二話不說先飲"頭啖湯"先。呢啖湯一入口，嘩～～ 味道就好似雞酒咁，夾雜住花雕同米酒既酒香🍶，仲有新鮮雞🐔既雞味同埋海鮮既鮮味，可想而知個酒香會有幾濃，呢啖湯真係鮮香到不得了。我地飲完一啖再飲多幾啖先停到口去食鍋入面既配料😂😂😂。
我地先試蝦🦐肉新鮮彈牙，係新鮮蝦🦐無誤，蝦🦐肉滲入咗酒既香味，連蝦頭既蝦膏都唔好放過。蜆肉嫩滑無沙，要趁佢打開口就夾起食。之後見到豬膶剛熟，又立時夾起一件放入口。豬膶切得厚薄適中，一咬落去係爽脆無筋，亦無異味，處理得恰當。再食雞🐔件，一入口就食得出係新鮮雞🐔，雞肉嫩滑有富有雞味，連雞皮都帶雞油既香氣，加埋酒既香味，好快又俾我地清晒啲雞件。
其他配料，特別係萵苣同埋竹笙吸收咗酒香味之後都好吸引。有啲估唔到既係食食吓會發現煲入面有雞膶、雞腎同埋雞腸既雞雜，更加確認店家係用上新鮮雞🐔。
食到咁上下，店員會喺鍋內加入上湯，煮滾之後就可以繼續加入配料吃火鍋。
🔆 火鍋🍲拼盤（二人份量）
火鍋🍲拼盤有手切肥牛、牛丸、魚蛋同埋豬皮。手切肥牛油花豐富，切得略帶點厚度，放入鍋內灼一陣就可以食，肥牛入口腍滑咬落有內汁加上牛既油花香味，高質素👍🏻。
牛丸食落都彈牙有牛味，味道不錯。豬皮煮過之後吸收咗湯底既味道，索晒味都好好食。
🔆 時令鮮菜盤（二人份量）
鮮菜盤有生菜🥬、娃娃菜同埋粟米🌽，菜類本身新鮮翠綠，粟米🌽清甜。食完肉類都要補充返啲纖維。
🔆 二人海鮮拼盤（$198）
想食得再豐富啲，可以加呢個海鮮拼盤，入面有扇貝、蟶子、鮑魚同生蠔🦪。鮑魚上枱時仲會郁，非常新鮮。生蠔🦪蠔軟嫩而裙邊脆口，而且有蠔味十分新鮮。蟶子大隻又厚肉，食落新鮮彈牙。鮑魚清潔得好乾淨，食落鮮甜彈牙。
食到中途老闆主動問我地試唔試將扇貝拎去轉做蒜蓉牛油燒？對於呢個提議，我地卻之不恭。其實店方除咗且海鮮雞煲之外，仲有燒烤吧，有唔少既燒烤食物可以選擇。燒過之後扇貝充斥住牛油🧈同蒜蓉既香氣，外層燒得香口，內裡則剛好又嫩滑，有機會試埋其他燒烤相信都好吸引。
🔆 生啤500ml兩杯（套餐+$98）
套餐加$98就可以有兩杯生啤，有Hoegaarden或者Stella可以選擇，A先生因為揸車🚗關係就無緣享受，為食妙妙就要咗Hoegaarden，清新既花香味配合雞煲同燒烤都好夾。
🔆 汽水（$18）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 海鮮雞煲好夠味道，就算唔點任何醬汁/調味都已經好夠味😋😋😋。
👉🏻 另外，店家一開始送上既花生🥜銀魚仔小食都千萬不要錯過😍😍😍。花生🥜香脆無油膱味，銀魚仔同樣都好香脆，兩者脆既程度絕對唔係來貨，我地又係停唔到口咁不停食。後來問返相信老闆，佢確認呢碟小食係由生花生🥜同銀魚都係自家製作而成，從小食呢啲細節睇得出店方對食材同出品既要求👍🏻👍🏻👍🏻。
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 餐廳附近詩歌舞街有錶位🅿️，或者港灣豪庭有停車場🅿️，再唔係直接泊店舖前面都可以邊食邊睇住架車
🔆🔆🔆🔆🔆🔆🔆🔆🔆🔆🔆🔆🔆
Post
