火滾安哥雞煲酒館 (Closed)

食過呢間兩次 上一次係10月12月底週末黎 都得幾台客 雖然價錢唔係平 但食材係有心思同高質 唔明白點解咁少客 作為街坊好擔心佢會執笠 特登出返個post😅 燒馬友$168燒得好香好嫩 仲係好多汁 係個皮比較鹹叫咗火焰雞煲二人餐$398，本身佢有豬潤，但係我哋唔食，佢就幫我哋換咗其他野。湯底有馬蹄竹蔗、竹笙、蟲草花、萵筍、雲耳，我哋每樣都有食，啖湯好甜。雞肉都好滑煮到最後都仲係覺得好食，唔似之前食過其他地方啲雞好乾或者冇乜味。蝦同埋沙白都好新鮮，蝦肉好實淨，沙白好鮮甜。最後埋單756，飲咗椰青同埋檸樂冇飲酒，有啲小貴，不過材料都對得住個價錢，我會返黎食

兩個人去食，冇叫套餐，埋單大概一個人要350元。唔推介，真係有d貴，食完都係得7成飽。依家睇返openrice，全部正評，多圖，有d奇怪。好似最近做唔落去玩任食，大家中過一次伏都唔會再嚟。希望可以發展比較平民d，畢竟位置偏遠，租金一定唔貴，不明白為何食物可以賣到咁貴。只叫左一個雞煲，跟住一碟豬肉，一碟彩，一杯酒。咁樣就收左我地700元。已經就住叫，冇唸過埋單都係嚇左一跳。食完個人好空虛，唔知食左咩，最後都係去附近甜品鋪填肚。最後補充返，有位職員態度好寸。

大角咀界限街多好嘢食就大家都知㗎啦，最近舊同事約食飯，幾個人都不約而同推薦呢間，所以晨早就已經訂咗枱，亦都好期待食，最終都真係食得好開心，好滿足。有別於一般雞煲店，呢間雖然裝修簡單，但係勝在夠光猛，同埋地面，座位，檯面都冇話黐立立，食得好舒服。當晚我覺得最好食，一定下次要推介比朋友既有三樣野。第一就係安格斯牛柳粒，佢重牛味又唔會鞋，有鑊氣超入味。第二樣就係炸雞皮餃子。呢個真心必點！第一次食呢樣野，雞皮好脆，入面又多料夠juicy！最後就係個雞湯烏冬，千祈唔好睇小呢樣咁簡單嘅菜，雞湯好濃郁，烏冬冇酸味，口感亦都好好，有Q彈感。

在大角咀有一間雞煲火鍋店，顧名思義主要食雞煲。之前光顧除了雞煲火鍋外，還有不少特色串燒小食，和朋友叫了幾串串燒嘗鮮。雖然是雞煲火鍋店，但餐廳環境闊落，乾淨整潔。叫了幾款串燒，全都是送酒一流的開胃菜!!▫️炸魷魚鬚佐酒小食當然不得不提炸魷魚鬚，這個是必點的!!炸粉漿並沒有很厚，魷魚鬚彈牙，點上調味醬更加分~▫️元貝蒜蓉燒扇貝大推，滿滿的蒜蓉配上扇貝是完美配搭。濃郁的蒜味和鮮甜的扇貝最適合重口味人士!!!▫️牛舌、墨魚丸墨魚丸帶點香燒味，食落十分彈牙。一口接一口，完全停不下來的佐酒小食~牛舌肉質鮮嫩，食落不會鞋颯颯。經過燒烤處理，灑上少少鹽作調味，火力恰到好處，口感不錯，食落有少少肉汁。

雖然佢叫火鍋酒館，但除左火鍋之外，其實仲有燒烤吧的～staff 服務態度超級好🥰感覺好似街坊小店，充滿人情味呢～🍴蒜蓉牛油燒蠔超～級～大~隻～蠔，好鮮甜！加上非常足料的蒜蓉牛油，提升成隻蠔既層次得黎，邪惡感都提升曬😆🍴香燒蝦餅 新鮮燒好熱辣辣上枱🔥🔥感覺係用上新鮮既蝦肉，唔會有霉霉嘅感覺，外皮燒得脆脆地咁，配啤酒一流！🍴雞湯烏冬本身都係諗住嗌個湯麵，有啲熱湯飲下咁，點知個雞湯竟然係濃雞湯味，而唔係味精雞湯味，估佢唔到呢，烏冬應該係讚歧烏冬，煙煙韌韌，口感不錯🥰

都係個句啦 一年四季都要打邊爐同食煲酒今次要為大家介紹既係 - 火滾安哥雞煲酒館火滾安哥雞煲酒館係位於大角咀界限街4-10號福群大廈地下4號舖顧名思義餐廳係主打食食雞煲為主而佢地個CP值係超超超超高點解我咁講?因為$528已經可以食到個花膠魚肚鮮雞鍋餐個湯底有配埋竹笙 杞子成件事係超養生而且個份量都唔算少個花膠食落好彈牙 食完真係感覺有滿滿既骨膠原食落肚咁而且魚肚索左個湯既味道 係超濃郁有興趣既朋友仔記得bookmark定啦

經過過數次 每次都相當熱鬧有人氣今次搵宵夜食終於有機會試下裝修企理乾淨 店員好熱情咁介紹菜式人情味十足 怪唔得咁多街坊客啦😍.🐈ᴛᴀsᴛᴇ: ★★★★☆ 🎀ᴠᴀʟᴜᴇ ᴡᴏʀᴛʜ: ★★★★☆ .🌟火焰海鮮雞煲 $288/半隻.店員會用火槍在鍋邊燃起火焰 視覺震撼之餘冇啲心理準備真係會嚇親🤣.上檯時放新鮮雞、鮮蝦、海蜆、蟲草花、竹蔗、竹笙、萵筍、雲耳、豬潤等配料.湯底材料豐富又充滿鮮味😋新鮮雞肉質軟嫩爽彈 雞味十足唔會腥.📍火滾安哥雞煲酒館🐾大角咀界限街4-10號福群大廈地下4號舖

早幾日去大角咀探朋友, 問佢附近有咩好食,佢就話有間用雞湯打邊爐嘅酒館好正,又可以飲下啤酒, 雖然最近減緊肥,都要捨命陪君子試一試。我地叫咗: 花膠魚肚海鮮雞鍋 $298 雞煲用上大量新鮮雞件, 齋睇雞湯嘅色水已經知道好香濃,一定好足料, 黃白色嘅雞湯就好似平時飲媽媽煲嘅雞湯, 超正。仲叫咗手切牛肉、潮式魚蛋、潮汕牛丸、鮮竹笙、豬膶, 好豐富。要讚肥牛質素好好, 肉味濃, 份量夠晒二人食。仲有勁多花膠魚肚吸晒雞湯精華,好正。完全感受到花膠令到湯底杰杰地, 皮膚都被照顧到。邊飲啤酒邊打邊爐, 非常滿足。

雖然天氣開始熱，但有朋友聚會時第一時間都係會諗起打邊爐😂 聽朋友講呢間打邊爐唔錯，趁放假就過黎試下。老闆介紹我地試花膠魚肚鮮雞鍋餐，湯底煲到奶白色，火候十足，又有杞子，養身又滋補。睇到已經流晒口水😍😍落完雞件、花膠、魚肚後，滾一滾，先飲湯，啖啖都係鮮味十足，令人回味無窮。😋 材料方面相當有驚喜！首先係花膠，佢嘅口感好彈牙，但同時好滑嫩，加入鍋裡面之後，啲湯就會變得好濃郁，令到啲雞肉同魚肚都可以喺湯底裡面吸收到啲花膠嘅味道。魚肚都係另一個亮點，佢有啲似啫喱咁嘅質感，但係又唔會太硬，啱啱好，亦令到啲湯底更加濃郁。雞件亦睇得出好新鮮嫩滑，肉質鮮嫩多汁，同埋好有雞味。店員仲好細心幫我地逐樣落材料，唔洗自己動手。👍🏻食完d湯底配料後，當然係繼續打邊爐啦，套餐包埋打邊爐材料都只係$528。下次再試下其他湯底😋

天氣都無阻我想食雞鍋嘅心，今次過去太子探朋友，佢帶咗我去呢間火滾安哥雞煲酒館，裝修明亮乾淨，坐落幾舒服。燒雞泡魚干（$58）簡單但又令人食指大動嘅下酒菜，香口之餘口感有嚼勁。調味方面，鹹香味道適中，蘸埋wasabi沙律醬，刺激又惹味。椰子(新鮮)雞鍋（$298）一道充滿熱帶風味的菜式，我哋今次揀咗半隻雞。新鮮的椰子肉和椰汁燉煮出了濃郁椰香味，飲落幾清甜，非常養生，配上嫩滑的雞肉，讓人回味無窮。整道菜式的濃郁口感和豐富層次，絕對是一道值得嚐試的菜式。

位於大角咀界限街的「火滾安哥雞煲酒館」，是一家以其獨特湯底和精選火鍋配料聞名的火鍋店。環境舒適，服務周到，絕對是品嚐火鍋的不二之選。他們的花膠魚肚鮮雞鍋是絕對不容錯過的。湯底使用了鮮雞肉、花膠和魚肚熬製，味道濃郁而不膩，香氣撲鼻。湯色清澈，每一口都讓人覺得養分滿滿，優質的湯底更是讓火鍋的風味得以升華。在配料上，鮮雞件保持了新鮮雞肉的原汁原味，煮熟後肉質鮮嫩多汁，色澤亮麗。與花膠魚肚鮮雞湯底相結合，味道十分出色，每一口都能品嚐到雞肉的鮮美。另一款必點的配料是鮮魚肚。每一片魚肚都保持著滑嫩的質感，再經由火鍋烹煮，既能吸附湯底的鮮香，又能保持其本身的口感，為火鍋添加了一道亮麗風景。特色的配料如野生竹笙和生根更是讓人驚豔。而手打墨魚滑和潮式牛丸更是別出心裁，滑嫩的墨魚滑和口感豐富的牛丸，搭配湯底後，口感豐富，饒富層次。當然，還有本地手切牛肉，肉質優良，新鮮又多汁。每一片都顯得肉厚豐滿，牛肉的香味在烹煮後更為顯著，搭配湯底，更顯得鮮美無比。總的來說，「火滾安哥雞煲酒館」的火鍋是富有層次的美食體驗。配料種類豐富，分量足夠兩人享用，既顯示了火鍋的多元，又凸顯了食材的新鮮。這裡的正面評價，絕對不是誇大

香港人好中意食火鍋包括我在內好中意一班人圍埋一齊滾下滾下一邊傾計一邊食真係好開心架今日我就同朋友仔黎左大角咀火滾安哥雞煲酒館食火鍋我地揀左 $528花膠魚肚鮮雞鍋餐火鍋係雞湯底再加入杞子同竹笙好啱女士們食食材方面有花膠、魚肚、新鮮雞件仲有雞潤同雞腸，份量都唔少架。你睇下條花膠都好大條就算煮完都唔會縮到好細架雞件的肉質亦非常嫩滑唔會好鞋魚肚愈煮愈入味索埋湯汁既精華好鬼正點止咁少野食呀?除咗鍋底外還附有火鍋拼盤以及時令蔬菜盤有丸物、手切肥牛、炸豬皮等等肥牛好有牛香最後食埋盤蔬菜飽到抱住個肚仔走呀下次想食火鍋不妨黎依度試下啦

喺大角咀嘅火滾安哥雞煲，裝修簡簡單單，座位都闊落夠乾淨，以為淨係有雞煲打邊爐，點知見到隔籬枱嗌燒烤，好似幾好食，當然試吓啦。原來除咗雞煲，燒烤都一樣出色。蒜蓉燒波士頓龍蝦我最鍾意嘅龍蝦配搭，蒜蓉味好香，加埋芝士，啱晒我呢啲芝士狂，龍蝦肉夠爽甜，連龍蝦頭都有好多膏呀。鹽燒安格斯牛肉🥩個樣都燒得幾靚，簡簡單單用鹽燒，就可以食到牛肉鮮味，牛肉夠嫩口又有肉汁，唔錯唔錯。泰式燒新鮮豬頸肉豬頸肉邊位燒到有少少燶，有少少炭燒味，勁香口，豬頸肉一啲都唔鞋口，加埋啲泰式醬汁，完美配搭。

👏🏻👏🏻👏🏻👏🏻網上面交行地鐵走分鐘就到店舖，但係我行咗五分鐘咋，可能我行得好快喇👍🏻👍🏻火滾安哥雞煲酒館，我初時以為淨係食火鍋㗎🤣🤣估唔到有我最鍾意食嘅雞皮餃子，雞皮薄薄的咬落去好脆口㗎，餃子入面啖啖肉，外脆內軟嘅感覺真係好好味，重一啲都唔油添。之後嗌咗一個蒜蓉波士頓龍蝦，睇下龍蝦上面滿佈金黃色嘅蒜蓉醬，每一啖食落去都係啖啖嘅龍蝦肉，仲有好大隻龍蝦鉗呀❤️❤️最出色嘅係泰式燒新鮮豬頸肉，燒完嘅豬頸肉外面有少少脆，入面嘅肉好鮮嫩，好多肉汁仲係粉紅色㗎。我下次一定會再食過❤️❤️❤️❤️

香燒墨魚丸：這道菜的墨魚丸口感十分彈牙，且有著濃濃的香燒味。墨魚丸的內餡鮮美，且吃起來不會太膩口。整體而言，這道菜是一道口感豐富的小菜，十分適合當成開胃菜。 鹽燒牛舌花芯：這道菜的牛舌花芯肉質鮮嫩，經過鹽燒的處理，讓它的口感更加豐富，且有著淡淡的鹹味。這道菜的搭配非常精妙，花芯的清脆口感與牛舌肉的柔軟口感相得益彰。整體而言，這道菜是一道非常美味的熱菜，值得一試。 香燒雞皮餃子：這道菜的雞皮餃子外皮酥脆，內餡鮮美，且有著香燒的味道。雞皮的酥脆口感讓人一口接一口，十分適合當成小點心或下酒菜。整體而言，這道菜是一道非常美味的小菜，十分適合與朋友一起分享。 總的來說，這三道菜都有著獨特的味道和特點，但我最喜歡的是鹽燒牛舌花芯。如果你想品嘗精美的中式料理，這家餐廳絕對是一個不錯的選擇。