天心

Open Now

Now Closed

早前試過一間好好味既申子居酒屋🏮，佢哋近排開咗一間姊妹店，主打拉麵、鍋物、日本名氣Runny Cheese甜品，即刻book咗位試😋。餐廳以日式木係裝修為主，天花板掛住一排紙傘。糖心蛋串燒外層薄薄既嘅粉漿，一咬開食到流心嘅蛋黃，蛋香味濃。廣島蠔香檳鍋每款鍋物嘅用料都係由日本進口，今次試咗出面少見嘅香檳鍋，店員會喺你面前將半支香檳倒入鍋裏面，超抌本，配料有8大隻肥美鮮甜嘅廣島蠔，2隻彈牙爽口嘅虎蝦，仲有一大盤蔬菜菇類，可以沾秘製醬汁、麻醬或者柚子醬，個人覺得原味比較好食，海鮮吸收晒湯嘅精華。帆立貝✨松葉蟹腳另外加左帆立貝同埋松葉蟹腳，帆立貝肉厚實且口感滑身，松葉蟹腳肉質細緻鮮甜。芝士雜炊食完火鍋之後，跟返日本傳統，加入三重芝士同飯做成芝士雜炊，芝士溶咗之後勁多拉絲，每一啖都好creamy。羽二重芝士奶油夾心餅脆餅中間夾住creamy嘅士多啤梨奶油、冰士多啤梨肉，底層係煙靭嘅大福，多重口感，仲有其他口味選擇。宇治抹茶芝士磚抹茶非常濃郁，芝士磚口感厚實，唔會太膩。