Video
3-min walk from Exit E2, Mong Kok MTR Station
continue reading
Telephone
59225699
Additional Information
全新餐牌
天心嚴選四款套餐
無限時火鍋放題
特選鮮蠔 拼安枱斯牛肉、 日本豚肉、海鮮套餐
黑毛和牛 拼嚴選美國牛肉、 日本豚肉、海鮮套餐
安格斯牛肉 拼安枱斯牛肉、 日本豚肉、海鮮套餐
嚴選美國牛肉 日本豚肉、海鮮套餐
Opening Hours
Today
12:00 - 21:30
Mon - Sun
12:00 - 21:30
Above information is for reference only. Please check details with the restaurant.
-
Online Booking Service Not Available
Recommended Dishes
Signature Dishes
天心位於旺角的The Forest，午市主要供應拉麵，晚市主打火鍋及串揚等日式料理。鮟鱇魚肝湯拉麵$168鮟鱇魚湯底非常鮮甜，配上較為粗身的麥胚芽拉麵，口感特別，有別於傳統拉麵，如果份量超多而且Creamy，整個拉麵鮮味十足，令人食指大動，最後配上隨餐附送的北海道七星米飯DIY湯飯，不浪費一滴魚湯。廣島蠔沾麵配Groove拉麵 $148 而我個人更加喜歡這一道廣島蠔沾麵面，因為在沾面上及七星米飯上都各有一隻肥美的廣島蠔，而且沾醬充滿蠔鮮味，值得一提的是白Groove拉麵，麵身的坑紋非常掛汁。羽二重芝士奶油夾心餅$62 同場更有售日本人氣芝士店Runny Cheese的件裝芝士蛋糕，採用法國芝士製作，賣相吸引打卡一流。
continue reading
行左幾次the forest先發現哩度有間shabushabu放題，皆因門口有d隱秘，要過條橋仔先見到。餐廳環境好新好靚，少女感十足既日本紙傘，牆上既即影即有木相架，幾有設計感。特選鮮蠔套餐超豐富，除左蠔外仲有大大個肉類拼盤，安格斯牛小排，牛肉，牛肩胛，美國肥牛 ，牛舌等，仲有日本豚肉，腩片等，全部都可以再任點。蠔肥嘟嘟好飽滿，very juicy🦪另外嚴選美國牛肉餐一樣有多款肉類，兩個餐一齊上既時候，真係食肉獸既天堂🤣豆乳柚子湯底清清甜甜可以好食到肉既原味👍🏻哩度d海鮮都幾唔錯，海蝦鮮味彈牙，帶子大隻有肉，仲有蜆同墨魚滑都唔錯。仲有好多蔬菜同火鍋料，不過我地食肉都飽哂🤣最尾食埋雪米滋做甜品，滿足。
continue reading
一入餐廳 係一個講日文既男待應接待我地，加上餐廳既日底裝修 ， 令人感到好舒服！ 湯底：濃味特式豬骨湯好濃味！ 好香菇味既湯底. 有別於平時打邊爐既湯底， 佢地呢隻係偏濃同結身啲. 有小小忌廉味咁既～ 特選鮮蠔餐包埋： 安格斯牛肉，日本豚肉，海鮮套餐！ （$598）如果揀嚴選美國牛肉就有日本豚肉，海鮮套餐！（$298）就經濟啲～ 海鮮餐包埋鮑魚！墨魚滑蝦 好大隻好新鮮唐生菜好鍾意似檸檬茶既我第一次見呢隻無糖冷泡檸茶表示好開心！
continue reading
串串香氣撲鼻，咋舌過後是那股深藏不露的溫柔甘美。呢度嘅湯底嘅選擇多到搞到我有啲心水意亂，終於揀咗個柚子湯底，酸酸甜甜好似初戀嘅感覺。食材上，海鮮鮮呀！特選蠔一入口就知鮮嫩得滑，鮑魚又有啖啖肉嘅口感，每樣菜都保留咗自己最純粹嘅味道。午餐肉身為平民小食，但係喺呢個任食天堂度居然可以成為高潮，外面煎到金黃，內裏又嫩又滑，驚喜呀！😍烏冬同蔬菜都幫到手，將湯底嘅精髓都吸晒入去，食落滋味無窮。最後，牛舌份外引人入勝，厚切至極，嚼勁十足，係今日食物盛宴中嘅一大發現！豬頸肉同樣惹味，完美跳出我對「燒肉」嘅既定想象。講返個甜品，豆腐花輕盈得黎唔會踩雷，你講我簡直唔想走呀！🥰整體嚟講，這間店令我對食物嘅喜愛又提升咗一個級別，結合環境、服務同食物質素，絕對係我會再次光顧嘅好地方！👌
continue reading
最近食都係食台式嗰種火鍋，今次去試日式火鍋，餐廳嘅和風味濃郁🍥，連侍應都係日本人，用上木系裝修，座位之間好寬敞，環境唔錯坐得舒服，亦唔會太嘈，幾適合同朋友吹水！先揀咗套餐嘅主角，其他海鮮、牛肉、豚肉、蔬菜可以用QR code無限落單📱，再揀一個日式湯底，幾個人喺個雪平鍋涮肉，冇限時可以慢慢坐慢慢食，幾有feel！------------------------------🦪◖特選鮮蠔◗ $598套餐有特選鮮蠔、多款安格斯同美國牛肉、日本豚肉、海鮮同蔬菜。一個套餐有五隻廣島蠔，全部都大大隻好肥美！湯底統一揀咗清甜豆乳柚子湯，柚子嘅清新加上豆乳嘅香氣，更加可以帶出蠔嘅鮮味同肉香！🐂◖嚴選美國牛肉◗ $298呢個套餐好抵食，已經可以滿足到各位食肉獸，包咗美國牛肉同日本豚肉，可以瘋狂encore！經濟啲叫呢個套餐已經夠，就可以無限追加佢嘅海鮮同牛肉，值回票價！🦐/海鮮套餐有多款海鮮可以任食，有鮑魚、蝦、蜆帆立貝、竹輪、青口、墨魚滑、蟹柳，個人推介佢嘅鮑魚、蝦、帆立貝，呢幾款都幾鮮甜彈牙，回本之選！佢嘅竹輪味道都唔錯，又幾彈牙，明知頂肚都忍唔住食咗幾嚿🤣🥓/肉類牛肉同豚肉嘅部位都有幾多選擇，尤其推薦佢嘅安格斯牛肉，淥一淥再點上日式醬油，甜甜地有少少似食緊壽喜燒；日本豚肉都幾出色，肉味濃唔會太柴，整體肉精發揮唔錯～🧆/其他佢仲有啲蔬菜🥬、主食類同幾款小食，食到最尾落返個生菜，超級清甜！口痕嘅話有唐揚雞塊、炸餃子、蟹肉忌廉餅嗰啲日式小食，酥脆香口🌟Encore指數：8.6/10
continue reading