太平館餐廳

Open Now

Now Closed

行開中環，見到呢間餐廳裝修古色古香幾特別，咁岩又有啲肚餓，就決定試吓。 睇返佢牆上嘅相，原來呢間餐廳已經有好多年歷史。我同朋友兩個人叫咗一個西冷扒餐，一份細炒飯再加一個梳乎厘。朋友點呢份西冷扒餐揀咗七成熟同配黑椒汁，啲黑椒汁好濃味夠辣而且份量多好好味，但係七成熟嘅扒略為生左少少，似五成熟，不過肉質幾嫩冇乜筋，蕃茄都幾鮮甜。雖然西炒飯可能出面普通茶餐廳都食到，但係佢絕對係高質，d蝦肉幾大粒，仲有腸仔同洋蔥，唔會話太鹹或者無味，炒飯都粒粒分明好有口感。最後到甜品啦！超驚喜，梳乎厘同塊面一樣咁大而且味道剛好唔會太甜，都唔會好似出面嗰啲縮水縮得好快。