平成 (Closed)

平時行開尖沙咀但好少入棉登徑，原來呢頭咁多居酒屋，見到有間岩岩開門決定入去食晚飯 入面裝修同之前去日本旅行見過既居酒屋真係好相似，好似返左日本咁，非常懷念~第一時間要左份小食墊住肚仔先，芥辣八爪魚，八爪魚爽口彈牙，食落去仲有日本芥辣獨有既鮮味，好食！紫薯沙律，配上頂部的三文魚子阿妹最愛既芝士蛋餅，非常脆口，芝士味濃，底部仲有焦香我愛饅魚飯的程度應該去到menu有就會叫黎試下既地步，食過全香港咁多間饅魚飯平成都冇得輸，饅魚厚切，肉質肥美，口感十足，而且冇咩碎骨，簡簡單單已經令人好滿足不過成餐飯最有驚喜一定係呢個三文魚籽冷麵，冷麵比平時食開更彈牙有口感，而且麵條充滿麻香味，加上蔥花、紫菜碎同三文魚籽唔會太單調而阿妹平時一向中意烏冬，今次要左溫泉蛋炒三文魚稻庭烏冬比佢，可能因為三文魚太足料，佢話略嫌有少少咸，不過烏冬本身軟硬度適中有咬口食完大家仲有胃，加多左一個大板燒，大廚火喉掌握得好好，粉漿亦唔會太多，而且每一啖都食到牛肉同椰菜味， 非常足料我地仲要左4杯唔同味既乳酸梳打，酸酸甜甜，消滯一流；其中最出色一定係百香果味，仲食到百香果子 tim