Video
Read full review
2018-07-31
1225 views
今日要介紹嘅元朗美食係元朗人一定去過嘅安娜餐廳，由於開業有30幾年，所以屋企人從小已經幫襯開，一代接一代咁，我好細個陣已經成日去据扒啦。以前就會成日食開洋蔥豬扒或雞扒，但大個識食咗之後，當然係每次都會叫牛柳鐵板餐！呢到除咗牛柳好食之外，黑椒汁、羅宋湯多士都係我眼中不可或缺嘅精選。如常柯打紅湯，黑椒牛柳配薯菜。呢度嘅上菜速度可以話係相當快，轉眼紅湯同多士就會馬上到，多士微烘後十分脆口配牛油食，一淡多士一淡紅湯，相當享受。紅湯調味穩定香濃，而且每次都會有好多蔬菜湯料，仲會有牛腩肉添。而呢度嘅黑椒牛柳係我嘅心水之選，其中牛柳我平時會點4或5成熟，呢個熟透度我認為口感係最佳，肉質鬆軟，而且充滿肉汁。然而，除咗味道好，呢度牛柳份量都幾大份，絕對夠飽。跟餐仲會附有幼薯條，以及童年回憶嘅雜豆。至於個人由中學開始就開始轉食黑椒汁，個種辣度係食完會舒服個種，味道極濃郁。以上我認為牛柳口感同份量係最適合我自己；但若喜歡牛肉味濃嘅朋友，我會建議揀西冷牛扒，除咗厚度唔同，份量再巨型些少，有筋位成塊牛扒會香啲。總結安娜人流其實幾多，十分旺場。所以夜晚食飯可能需要排隊等位，但雖則要排隊等位，但入內柯打後上餐速度會
如常柯打紅湯，黑椒牛柳配薯菜。呢度嘅上菜速度可以話係相當快，轉眼紅湯同多士就會馬上到，多士微烘後十分脆口配牛油食，一淡多士一淡紅湯，相當享受。紅湯調味穩定香濃，而且每次都會有好多蔬菜湯料，仲會有牛腩肉添。
而呢度嘅黑椒牛柳係我嘅心水之選，其中牛柳我平時會點4或5成熟，呢個熟透度我認為口感係最佳，肉質鬆軟，而且充滿肉汁。然而，除咗味道好，呢度牛柳份量都幾大份，絕對夠飽。跟餐仲會附有幼薯條，以及童年回憶嘅雜豆。至於個人由中學開始就開始轉食黑椒汁，個種辣度係食完會舒服個種，味道極濃郁。以上我認為牛柳口感同份量係最適合我自己；但若喜歡牛肉味濃嘅朋友，我會建議揀西冷牛扒，除咗厚度唔同，份量再巨型些少，有筋位成塊牛扒會香啲。
總結安娜人流其實幾多，十分旺場。所以夜晚食飯可能需要排隊等位，但雖則要排隊等位，但入內柯打後上餐速度會快到好似趕客咁，呢點個人覺得係安娜特色，元朗人見慣不怪。有興趣一試嘅朋友，呢度每逢星期三都會休息，留意番唔好摸門釘啊。另外一提，適逢節日呢度仲會有裝飾佈置，裝飾配合呢度環境嘅懷舊感，個人覺得幾有氣氛。價錢唔算太貴，所以想食個豐富啲嘅晚餐，呢度係唔錯嘅選擇。
Post
