安娜餐廳

Open Now

Now Closed

我今日先去食咗個晚餐，叫咗隻德國咸豬手,好夠淋，又大隻，真係食到好飽啊！仲有個羅宋湯，超級夠味，我老婆就叫咗個鐵板牛柳餐，好大塊，但落咗好鬆肉粉，搞到有陣味，唔係咁好食，餐後仲有杯啡或茶，埋單$兩百九十幾！

安娜餐廳是一家走懷舊香港西餐廳路線的餐廳，出餐速度非常快，讓人不必久等。🤣雖然這裡的扒質素並非上等，但它所帶來的情懷卻是無可替代的。每一口都能讓人回憶起過去的美好時光。這裡的鐵板牛扒和豬扒是經典之選，肉質雖然不算頂級，但鐵板上菜讓人吃得滿足。特別是那濃郁的黑椒汁，為整道菜增色不少。這家餐廳的魅力在於它能讓人感受到一種懷舊的氛圍，彷彿回到了舊時代的香港。

人生總會有某段時間係好想好想食牛扒，所以喺香港唔同嘅地方都會食唔同嘅牛扒-咁今次都好多謝朋友推薦，嚟到呢一間可以話係元朗嘅老字號度食扒！咁就叫咗牛柳，真係醃得好出色，非常之林！-不過又可以話係冇乜特別預計之內？但係感覺都真係好適合一家大細過嚟嘅。

記得細個成日嚟幫襯，當時有得去鋸扒就係超級威水，唔似依家啲小朋友咁幸福。印象中已經好多年冇嚟過鋸扒，今日食返豬扒配洋蔥汁加薯菜，童年回憶即刻返曬嚟，味道同以前一樣其實只屬一般，不過同回憶嘅嘢好難搵替代品。

經多年住元朗的朋友介紹, 今日到了呢間懷舊既扒房餐廳,  一入到去, 真的是N年前既裝修, 大部份侍應都像在此店工作了多年的老伙計, 一入門口, 一坐低比餐牌後, 3分鐘到, 就走來問想要什麼, 於是都沖沖點了黑椒牛柳餐和一個雜排餐,  跟住2分鐘到就會上一個多士, 同一個湯, 再過5分鐘到, 兩個熱騰騰的排餐就送到我面前, 侍應就叫我用紙巾檔住, 他們隨即就把汁淋上, 先講返兩個餐既質素, 牛排的確好食,我覺得咁既價錢, 的確超值, 雜排餐既份量也好大, 食完真是好飽飽, 其實唯一對這間餐廳有點不滿意的地方, 就是要令顧客食到好急, 成個用膳時間, 30分鐘到完晒, 每食完一樣, 1分鐘內, 侍應就會把它拿走, 當食完晒後,侍應就會直接走來說, 門外好多人等位, "拍爛檔"叫你埋單, 真是如果下次想再來, 可能要5點呢D無乜人既時間才好了.

呢間成日要等位的嘅安娜餐廳，難得經過唔駛等，就入去進餐，睇下食唔食得番以前嘅味道👅點了免翁牛柳餐，有忌廉湯或羅宋湯選擇！多士有Anchor 牛油可以搽！免翁牛柳在十分熱的鐵板上，侍應幫手淋上免翁汁，免翁汁其實即係蘑菇汁，喳喳聲嘅鐵板牛柳，主角牛柳非常嫩滑😋但味道略為咸了一點。牛柳旁邊還有薯條🍟、雜豆、蕃茄🍅+$10 可加配意粉或白飯總括來講，牛柳質素與價錢成正比，侍應雖然一把年紀，但態度好殷勤☺️

元朗國的舊式扒房，餐廳裏裏外外都好懷舊，門口個大招牌，店內的舊瓷磚地板，員工個個著哂英倫風制服，有細細個九十年代去茶記的感覺，個個待應都講住純正廣東話，好有feel^^食物方面都大份夾抵食，牛柳餐($126)，德國咸豬手餐($117)，跟餐有西多士 有湯 有野飲手柳正正常常一般啦，德國咸豬手就正嘅，比想像中好食，仲要大份到根本食唔晒。總的來說安娜餐廳食個舊香港情懷，for飽肥一流，不過人地做生意唔好預可以坐喺到慢慢傾計慢慢jap。

#安娜餐廳 .元朗人應該無咩唔識安娜餐廳 是一間 #懷舊 #港式西餐廳 主打應該都係 #鐵板餐 .今日食 #洋蔥牛柳 配薯菜 $136 如果加飯或意粉要加$10🍽️🥩呢到 #羅宋湯 係好飲既 推薦💃🏻 另外有配多士至於扒 黎呢到大家都唔好期待係質素好高嘅扒 今晚牛柳唔錯 淋得來唔係揦得好緊要嗰種 另有薯條係底.另外每晚有 #是日晚餐 但不是鐵板的 是碟上平日晚上去到全場滿座同翻枱 係元朗黎講都係好生意既一間.推薦指數：💃🏻可以一戰💪🏻

食物份量十足，傳統既鐵板上枱先倒汁。✅鮮油多士烘到脆口配上牛油一流✅羅宋湯材料足又入味，推薦叫！❎磨菇湯就無料，味又淡，不推！✅牛柳餐$126最多人推真的極幼嫩，分別有三種醬汁簡，但扒下既薯條就淋曬。✅西冷牛扒餐$117厚實牛味濃有少少筋，適合陪白飯及意粉食。環境香港買少見少的懷舊老字號扒房，超過40年歷史，由1978年開業到依家，主打香港80年代裝修行懷舊風格。注意餐廳至收現金！有時人多需搭枱。

元朗人一定都識嘅舊式扒房。甫進餐廳，見座無虛席。有年輕情侶，有一家大細，也有銀髮老友… 呢間舊式扒房營業多年，依然深受歡迎。餐廳內裝潢富年代感，燈光偏黃稍暗；男女侍應服裝充一，西裝馬甲背心。我同我老公分別叫咗，牛柳餐同西冷牛扒餐一齊食，揀選咗黑椒汁。餐湯一致揀咗羅宋湯，湯料足，夠味！估唔到連餐湯都有嚿大大塊牛肉，個湯嘅底味幾重牛肉香 食完個湯唔口乾，應該無乜落到味精。牛柳接近全熟，大小和厚度與西冷相比，較為細塊同薄，肉質鬆軟，我幾中意個黑椒汁偏辣。西冷有筋比較難切。但做到七成熟呢個位值得一讚。地方空間頗窄，切牛扒要就住就住手踭打交。整體來講，都幾OK! 老公話耐唔耐嚟食一次都唔錯。順帶一提，只收現金，記得去食之前㩒定錢喺銀包。

住咗元朗三四年都未試過呢間歷史悠久嘅扒房，今年就趁聖誕節前後同老公試吓😅我叫咗個午餐，老公叫咗個全餐～❤️羅宋湯好足料👍 每碗都有一兩件牛肉，質地偏稀，係舊式羅宋湯嘅味⭐️火腿奄列裏面除咗火腿仲有啲白汁加三色豆，可能傳統係咁，但係我同老公都唔啱食😂⭐️粟米石斑飯石斑煎香過嚟，個汁好稠，味道正常⭐️鮮茄雞扒意粉鮮茄真係好raw嘅味道，都幾酸😅汁係以前好假嗰種😂雞扒好淋😅 意粉正常尚算彈牙～人手非常充足，環境有feel，服務都唔錯，送餐快速，但我諗試一次都夠😂😂 因為如果要鋸扒我同老公都唔會揀啲醃到好腍嘅扒😂😂

洋蔥汁牛柳同羅宋湯，感覺非常唔錯。洋蔥汁牛柳係一款經典嘅西式菜式，牛柳配上洋蔥汁，口感豐富，味道濃郁。餐廳嘅洋蔥汁牛柳牛柳嫩滑，牛柳嘅口感亦都非常有彈性。牛柳嘅肉質非常有口感。洋蔥汁嘅味道非常濃郁，洋蔥嘅甜味同牛柳嘅鮮味完美融合，Good。羅宋湯有番茄、洋蔥、胡蘿蔔、香草等食材熬製而成，口感濃郁，味道鮮甜。湯非常濃郁，番茄嘅酸甜味同洋蔥嘅甘甜味完美融合，非常美味。湯嘅口感亦都非常順滑，非常好飲。

安娜餐廳，懷舊風主題扒房，除咗扒之外，每晚有個是日晚餐，$68，抵食。第一次嚟食，19:15嚟到，門口有人等位，我哋3位唔洗等，不過呢啲預咗坐得逼，差唔多背脊貼背脊，卡位以外嘅枱都係擺得好密，同埋唔坐得耐，唔會出聲趕你走，但會收野收得好快，同埋搵人過嚟搭枱。人人都有嘅餐包，唔熱亦唔脆餐湯羅宋湯，好足料，幾濃餐湯忌廉湯唔算太稀洋蔥汁牛柳夠淋夠軟熟，幾香5成熟洋蔥汁西冷牛扒夠淋，少少筋7成熟扒餐+$10有意粉，本身個底有薯菜薯菜好香，飽滿，就算浸左汁都好食意粉唔係白雪雪冇汁，有啲茄汁，所以唔會乾晒咁上枱是日晚餐，洋蔥豬扒意粉+吉列石斑個名同個樣都似茶餐廳，但$68嚟講算唔錯，算好抵食豬扒唔會有好勁梳打粉味吉列石斑，幾大塊，唔算厚粉，脆，但石斑係彈牙口感唔係軟熟是日晚餐嘅甜品，可揀啫喱或者雪糕，兩樣都冇得揀口味，咁岩今日啫喱係最鍾意嘅青檸味，可以揀要唔要花奶餐飲凍檸茶走甜好夠酸

今日收工後同屋企人黎元朗安娜餐廳食晚餐，主要食番以前中學既感覺。今次叫左一份黑椒牛柳餐，五成熟。咬落去feel到用過好多鬆肉粉。紅湯幾好飲。屋企人叫左份雜扒，都後足料，有牛扒、豬扒、雞翼、煙肉、腸仔，幾抵食。

經過上次同小絲食"燒肉一番"後，先至知道小絲都很愛吃肉。而曾經在元朗讀書的我當然要介紹好野比小絲啦。這間安娜餐廳是"真．懷舊扒房"，因為他由店外的門面以至內裡的裝修都一等一的懷舊，不是刻意懷舊，而是多年沒有翻修，原汁原味的懷舊。這裡食物選擇不多，不過來扒房就是吃鋸扒啦。我們點了：黑椒牛柳$116，西冷牛扒$107，飲品，意粉+$6和雪糕+ $5。每個餐都會有餐湯和餐包。餐包是多士。牛扒和牛柳份量都很多，因為份量太多，所以我就加了意粉，一次過吃埋晚餐，又慳了一餐。我點的牛柳是7成熟，來到都保持到7成熟。口感很鬆軟，肉味不算很突出。以我過往經驗，去這些扒房食牛扒都是食醬汁的味道，牛扒的牛味只能期盼，不能強求。小絲的西冷牛扒點了7成熟，來到已經9成熟。她很慷慨切了些給我試，我覺得牛柳味道會啱我些。因為我吃得比較快，等小絲吃完途中我又點了一客雪糕給自己。扒房的雪糕最特別不是雪糕，而是裝住雪糕，銀色杯器皿。他們會預先連杯一起放入雪櫃雪凍。出到客人枱時，雪糕杯就有保凍的效果，是來扒房必點的食物之一。但小絲好像吃牛扒就夠，所以見她吃完我就取單去收銀處埋單了。而收銀姐姐見我手上有一部相機還叫我幫她身後