古琴雅苑 (利舞臺廣場)

Open Now

Now Closed

古琴雅苑有好多間分店, 銅鑼灣利舞台呢間地點好方便。餐廳裡面寬敞, 有卡位同圓枱, 枱與枱之間空間好大, 好適合三五知己食飯傾計。當日太好生意, 所有卡位都俾人預約晒, 唯有坐圓枱。北京填鴨古琴雅苑嘅北京填鴨真係名不虛傳,皮脆肉嫩汁香甜,包埋薄餅一齊食, 一啖一口真係幾好味。佢哋師承北京百年老店,用上乘材料,所以北京填鴨咁出色,絕對係必食之選。配菜同醬料選擇都比其他餐廳多, 有哈蜜瓜, 青瓜, 酸梅醬, 烤鴨醬, 各式各樣嘅味道任君選擇。至尊拼盤至尊拼盤有花雕醉雞、雞絲粉皮、揚州水晶肉、小黃瓜、烤麩。花雕醉雞皮嫩肉滑,酒香好入味。雞絲粉皮嘅粉皮嫩滑,配上香濃的芝麻醬,味道層次豐富。揚州水晶肉晶瑩剔透,豬肉同啫喱狀既高湯一齊食, 口味好豐富。金銀炒鱔糊金銀炒鱔糊好夠鑊氣,鱔糊炒得好彈牙香脆，配上銀芽嘅爽脆同醬汁，味道非常好味。金腿濃湯津白金腿濃湯津白湯底清甜,金腿帶黎一點點既咸香，吊出左津白本身嘅鮮甜。瑤柱蛋白炒飯瑤柱蛋白炒飯粒粒分明,瑤柱份量好多, 又香。蝦仁爽口彈牙，蛋白嫩滑。炒飯本身已經幾香口,加上瑤柱同蛋白就更加鮮甜。