鳴門魚市場居酒屋 (Closed)

真係區區有好西食。估唔到黎到西營盤甘遠都有😬。店員推介飛機貨✈️。叫咗三款試試。💟赤貝。金目鯛。池魚王炙燒金目鯛魚油Bi曬出黎。特別嫩滑。豐御膳三色刺身：牡丹蝦。三文魚腩。油甘魚刺身厚切肥美。新鮮好味😋。火炙帆立貝黑松露燒到岩岩好食落唔會韌。加上黑松露。味道昇華不少。網燒美國安格斯牛肉眼牛扒大大份。肉嫩多汁。不過肥咗小小😅。迷你火炙鰻魚飯鰻魚皮燒至脆身。鰻魚汁甜甜地撈飯正🤪。北海道刺身丼💟一碗丼飯有7款刺身。滿足心多多嘅為食妹👧🏻。拖羅入口即溶。牡丹蝦肥美。最驚喜係海膽🤩。海膽長長肥美。一啖放入口滿足到不得了🥰。