Video
Read full review
2024-07-20
173 views
系附近做完嘢，經過嘅時候俾佢外牆好吸睛嘅燒味painting吸引左，加上好耐冇食過燒味，就決定食呢間🍽️ 大滿貫燒鵝五寶飯（$80）如果想試哂唔同燒味嘅話，我會推薦呢款；入面有齊晒燒鵝、叉燒同燒腩仔，仲有紅腸同咸蛋，每樣燒味份量唔少；燒腩仔經過太空爐兩重燒制，皮脆肉嫩；燒鵝皮脆但如果鵝肉再嫩身d就完美喇；個人認為燒腩仔同叉燒比較出色🍴 黯然銷魂飯 （$63）叉燒燒得香氣十足，外層帶有香脆嘅燶邊，佢用咗半肥瘦梅肉，肉質肥美適中而不膩，而且非常入味；加上煎到脆邊嘅湖北蛋，蛋香味濃，兩者夾埋係絕配🥄老火靚湯個湯對我嚟講有驚喜，因為飲落口令我諗起屋企煲嘅湯；無落味精之餘亦好足料，有大大隻雞腳，1/3隻手掌大嚿嘅豬肉同蟲草花，而且跟餐加$5就可以飲到🥗鵝汁菜心（$20）菜心份量頗多，而且灼嘅時間啱啱好，仍然保持翠綠唔會老身，鵝汁味道偏淡，但個人認為配上濃味嘅燒味飯就啱啱好
🍽️ 大滿貫燒鵝五寶飯（$80）
如果想試哂唔同燒味嘅話，我會推薦呢款；入面有齊晒燒鵝、叉燒同燒腩仔，仲有紅腸同咸蛋，每樣燒味份量唔少；燒腩仔經過太空爐兩重燒制，皮脆肉嫩；燒鵝皮脆但如果鵝肉再嫩身d就完美喇；個人認為燒腩仔同叉燒比較出色
🍴 黯然銷魂飯 （$63）
叉燒燒得香氣十足，外層帶有香脆嘅燶邊，佢用咗半肥瘦梅肉，肉質肥美適中而不膩，而且非常入味；加上煎到脆邊嘅湖北蛋，蛋香味濃，兩者夾埋係絕配
🥄老火靚湯
個湯對我嚟講有驚喜，因為飲落口令我諗起屋企煲嘅湯；無落味精之餘亦好足料，有大大隻雞腳，1/3隻手掌大嚿嘅豬肉同蟲草花，而且跟餐加$5就可以飲到
🥗鵝汁菜心（$20）
菜心份量頗多，而且灼嘅時間啱啱好，仍然保持翠綠唔會老身，鵝汁味道偏淡，但個人認為配上濃味嘅燒味飯就啱啱好
大滿貫燒鵝五寶飯
$80
1 views
0 likes
0 comments
黯然銷魂飯
$63
12 views
0 likes
0 comments
老火靚湯
7 views
0 likes
0 comments
鵝汁菜心
$20
0 views
0 likes
0 comments
Post
