極尚大瀛喜日本料理

Open Now

Now Closed

今日同阿妹補足返生日、大家呢排都好忙！跟住決定食一餐好嘅！去咗觀塘嘅日式放題餐廳！第一唔使諗食啲咩乜都有可以食！第二就係時間都好充足，再加上可以食埋靚甜品！呢間日式放題，原來都幾多中菜可以食、除咗點心可以食之外，呢度都有中式嘅湯可以飲同埋糖水都係中式！啱晒一啲選擇困難症嘅我哋！當然我最欣賞嘅一定係啤酒清酒梅酒任飲！呢度貼心到俾埋熱嘅清酒！真係好正！ 我哋想先叫咗個泰式冷盤鮑魚、鮑魚新鮮超級彈滑！再加上非常彈牙！之後我再叫咗俄羅斯甜蝦！蝦肉超嫩超好食！呢度仲有象拔蚌刺身！同埋海蜇刺身！味道非常爽口彈牙！呢度嘅帆立貝味道都好好食，有一個係配咗忌廉汁嘅、味道超香，超濃郁！仲有蒜蓉帆立貝都超級好食！最鍾意就係佢嘅牛舌超級香濃！當然唔可以錯過就佢嘅燒榴槤！都係限量㗎拎晒就冇！最後一定係食返碗海膽蟹皇粥，除咗好香噴噴之外，真係海膽融入晒碗粥度超鮮甜！海膽壽司更加唔可以錯過！我覺得呢度嘅飲品都非常之齊！但係人流量比較多，所以記得入座嘅時候就出去拎飲品啦！極度推介呢啲嘢食！炭烤人氣燒白鱔，一品蟹肉扒西蘭花，鐵板厚切牛舌、鐵板星級鵝肝多士、金湯蟹黃花膠金勾翅，避風塘炒魷魚壽喜燒牛肉鍋，三蔥爆炒珍寶老虎蝦