好彩海鮮酒家

Open Now

Now Closed

今日中午我們去咗荃灣享和街嘅「好彩海鮮酒家」飲中午茶！ 我們叫咗特級鮮蝦餃、香芹櫻花蝦腸、蜜汁叉燒包 同午市超優惠套餐：老火粉葛湯「小」、燒味小食拼盤同鹹魚鷄粒炒飯！ 特級鮮蝦餃嘅蝦相當爽口彈牙， 餃皮亦好煙韌！香芹櫻花蝦腸嘅腸粉好嫩滑， 香芹嘅味道相當惹味！蜜汁叉燒包嘅包質非常香滑鬆軟， 叉燒嘅味道相當香甜！係本人嘅必食推介！ 午市超優惠套餐：老火粉葛湯「小」嘅火候十足，湯料好豐富，味道相當濃郁！ 燒味小食拼盤叉燒嘅肉質比較腍，海蜇好彈牙，牛𦟌嘅肉味好濃郁！鹹魚鷄粒炒飯炒得非常乾身，鹹魚嘅香味令到味道更加惹味！