樂天皇朝 (將軍澳中心)

Open Now

Now Closed

今日約咗朋友係將軍澳食晏，忽然想食上海菜，所以就揀咗位於將軍澳中心嘅樂天皇朝。茶錢（$8/位），小食（$15）有花生同粟子。李白醉雞（$88）- 個雞嫩滑得嚟仲係啖啖肉，個酒味濃郁得嚟又唔會話太搶，個味恰到好處。竹炭流沙包（$45）- 正！真係勁多流沙，有鹹香又唔會蓋過個甜味，但如果個包可以熱啲就會仲好食。原味小籠包（$68）- 嚟得呢度梗係必食佢哋嘅小籠包啦~果然係即叫即蒸，所以熱辣辣。個小籠包皮薄餡靚，入面仲有好多汁，一咬就咇曬出嚟。皇朝擔擔拉麵（$65）- 個擔擔麵湯底都幾濃郁，食到花生味，拉麵都煮得彈牙，如果份量大啲就仲好嘻嘻。