阿木台灣麵 (豉油街)

Open Now

Now Closed

呢間台灣麵經常大排長龍，專登揀下午茶時間去食都好多人！老闆係台灣人，據傳係60幾年家傳秘方，喺香港都可以食到正宗台灣麵，唔怪之得會咁多人嚟排隊食！🍜招牌麻辣牛肉牛筋麵牛肉牛筋麵係餐廳招牌菜之一，麵質適中偏硬，我鍾意呢種口感！牛肉同牛筋都燉煮得非常之腍，鮮嫩入味。麻辣唔會好嗆喉，如果唔夠辣可以自己加枱面嘅秘製辣椒醬😍🐓鹹酥雞食台灣嘢，點可以唔食鹹酥雞？炸得非常酥脆，雞肉嫩滑😋枱面有特製鹹酥雞調味粉，可以自己加調校鍾意嘅鹹度🤩🥬肉燥豆苗豆苗夠新鮮，肉燥唔會好鹹，亦都唔會好肥。加埋一齊食好惹味😋