Video
Read full review
2021-11-27
37 views
朋友話金雞廣場新開左間樓上cafe，咁緊係要上去逛逛啦。餐廳佈置橘子，見到d吊飾好有聖誕feel，枱同座位都超闊落，周圍都乾淨整齊，梳化坐得好舒服。打開menu都好多嘢揀，見到呢度主打西班牙黑毛豬，緊係要捧場，所以就叫左個西班牙無骨黑毛豬柳扒。另外朋友再叫左黑松露原隻法國春雞，跟住仲叫左小食同飲品。餐湯及餐包：餐湯係忌廉粟米湯，入口creamy，飲落有粒粒粟米，仲有洋蔥添，甜甜地。餐包係蒜蓉包，咬落脆脆，勁香蒜蓉味，熱熱咁，好好食。慕絲蝦：炸得好鬆脆，熱辣辣，點埋旁邊沙律醬，好滋味。香煎酒香雞翼：入口滲出淡淡酒味，煎嘅時間剛好，唔燶食落仲係嫩滑。無骨黑毛豬柳扒：旁邊沙律菜乾淨新鮮，係黑醋汁，酸酸地。另外意粉調味調得幾好，鹹鹹地，爽口。黑毛豬柳豬味濃，入口軟熟得黎好有口感，點埋旁邊個汁仲好食。主打真係主打，掂👍黑松露原隻法國春雞：同樣配沙律菜，呢個配左剛剛炸起熱辣辣嘅薯條。法國春雞唔肥，皮煎得好香但唔覺熱氣，肉嫩，仲有黑松露果個味，唔點汁就更加原汁原味。熱柑桔話梅蜜：見到呢款咁特別，所以叫左佢。佢有果種少少鹹嘅話梅味，同蜜糖味道好夾，我好鐘意。熱蜂蜜柚子茶：朋友至愛熱飲，淡淡柚子味，甜甜
餐廳佈置橘子，見到d吊飾好有聖誕feel，枱同座位都超闊落，周圍都乾淨整齊，梳化坐得好舒服。
打開menu都好多嘢揀，見到呢度主打西班牙黑毛豬，緊係要捧場，所以就叫左個西班牙無骨黑毛豬柳扒。另外朋友再叫左黑松露原隻法國春雞，跟住仲叫左小食同飲品。
餐湯及餐包：餐湯係忌廉粟米湯，入口creamy，飲落有粒粒粟米，仲有洋蔥添，甜甜地。餐包係蒜蓉包，咬落脆脆，勁香蒜蓉味，熱熱咁，好好食。
慕絲蝦：炸得好鬆脆，熱辣辣，點埋旁邊沙律醬，好滋味。香煎酒香雞翼：入口滲出淡淡酒味，煎嘅時間剛好，唔燶食落仲係嫩滑。
無骨黑毛豬柳扒：旁邊沙律菜乾淨新鮮，係黑醋汁，酸酸地。另外意粉調味調得幾好，鹹鹹地，爽口。黑毛豬柳豬味濃，入口軟熟得黎好有口感，點埋旁邊個汁仲好食。主打真係主打，掂👍
黑松露原隻法國春雞：同樣配沙律菜，呢個配左剛剛炸起熱辣辣嘅薯條。法國春雞唔肥，皮煎得好香但唔覺熱氣，肉嫩，仲有黑松露果個味，唔點汁就更加原汁原味。
熱柑桔話梅蜜：見到呢款咁特別，所以叫左佢。佢有果種少少鹹嘅話梅味，同蜜糖味道好夾，我好鐘意。熱蜂蜜柚子茶：朋友至愛熱飲，淡淡柚子味，甜甜地，夠滋潤。
Post
