第八站咖啡廳 (Moved) New Location

今次就走咗去呢一間係旺角金雞廣場入面嘅第八站咖啡廳！之前都有食過一次，今次都好想介紹一下！叫咗一個醉雞香雞扒配意大利松茸野菌燒汁！一上枱嘅時候望到咁大化雞扒真係非常之興奮，而且加埋醬汁一齊食，真係令到呢塊雞扒非常之好食！

支持小店$60起一個餐包湯同野飲豬扒雞扒都高質小店經營困難咁既價錢咁既質素真係一定要支持cafe 環境 坐得舒服Must try the pork, tender juicy perfectly cooked

同朋友喺旺角行住街之後，經過金雞廣場見到有水牌推介食扒的咖啡廳，見到啲相都非常吸引，同朋友就諗住入去試一試。入到餐廳見到佢嘅裝飾都好唯美，非常有氣氛！今次我哋就叫咗一個黑毛豬扒和帶子惹菌飯！黑毛豬柳扒都好大塊，另外仲配有薯仔和沙律菜，套餐仲有包一個湯同埋餐包，整體嘅套餐都非常抵食和豐富！黑毛豬柳扒嘅質素都好高，咬落去嘅豬柳扒非常彈牙，肉質亦都好嫩滑！帶子野菌飯嘅份量都好多，佢嘅飯嘅感覺有啲似意大利飯，非常入味，而且飯嘅質地煮到剛剛好！帶子亦都非常肥美😚佢哋嗰日嘅餐湯係忌廉湯，非常creamy！餐包加埋湯一齊食亦都非常之夾！

旺角行完後搵餐廳食晚餐，經過金雞廣場，見到有新開既Eight Station Cafe🤩晚市套餐包埋餐湯、蒜蓉包、主菜同飲品都係百幾蚊，一於試一試。餐湯係粟米忌廉湯🌽味道好濃，粟米好甜，自家制feel好有誠意又唔會太鹹👍🏻主菜叫左西班牙無骨黑毛豬扒。黑毛豬扒超大塊，肉質香嫩，油脂分佈均勻，肉味香濃，好好juicy，估唔到cafe既豬扒都有高級餐廳既水準🤤另外叫左原隻法國春雞～ 燒春雞原隻上，一上枱睇睇賣相已經覺得她正，一切落去爆曬肉汁，雞肉好嫩滑，真係未食過咁滑既春雞，超級推介♥️♥️為食既我地仲叫左個小食拼盤，有吉列炸蝦、香煎雞翼同炸雞翼。雞翼好入味，而且炸物香脆又完全唔肥膩，真係好好味！Cafe既sofa位坐成晚都好舒服，野食又超水準，好relax既一晚😋😆

今日同朋友想食扒，但又唔想食太貴，行過金雞廣場，朋友話有熟人介紹樓上一間新開張既扒房，幾高質，咁就試下啦！我就點左一份黑毛豬柳扒，大約係100蚊左右，肉質非常柔嫩！咬入口，嫩滑多汁，質感非常爽，味道亦有濃郁且新鮮既豬扒味，半肥瘦既肉質，既可滿足食客鐘意食肥啲既口味，亦唔會令人覺得太唔健康太油膩！同埋係冇筋，建議大家唔使點汁，因為已經好夠味。朋友就點左份醉海雞扒，個皮都煎到卜卜脆，以醉香汁作點缀意想不到地夾，係一個唔錯既嘗試！

今日約左一個好耐冇見嘅朋友去咗旺角行街，經過金雞廣場見到好多樓上餐廳，就揀咗其中一間cafe食飯可能係平日夜晚嘅關係一開始冇人，不過之後就開始多人，餐廳仲有聖誕嘅裝飾，我同朋友揀咗無骨黑毛豬柳扒同埋三文魚意粉一齊share食，個餐包咗餐湯同埋蒜蓉包，個忌廉湯幾多蜆肉，幾香濃主菜三文魚意粉配忌廉汁，個汁好creamy，配搭好好，仲有洋蔥粒同埋菇，三文魚幾新鮮，食到停唔到口另一個主菜黑毛豬柳扒配薯菜，豬扒幾淋有口感，煎得幾香口幾好味，有驚喜，薯菜熱辣辣要趁熱食跟餐仲有甜品，有朱古力蛋糕，個碟仲要係心心型呀 嘢飲揀咗柚子蜜糖茶同埋柚子薑茶，啱晒呢啲咁凍嘅天氣最後埋單三百蚊，每人150，呢個價錢又唔貴，食物質素又唔錯，又有個地方同朋友靜靜地傾吓計，下次可以再帶朋友嚟

之前食過第三站 今次食呢間第八站 都係起金雞廣場入面 不過款式好唔同呢度主要食扒 雞牛豬羊肉都有🥩每個餐都包餐湯同熱飲餐湯係粟米忌廉湯🌽味道好濃 一粒粒粟米好甜 仲有少少洋蔥 令個湯香啲最重要係佢稀桀度咁咁好👍🏻又唔會太鹹▶️扒醉香雞扒配意大利松茸野菌燒汁($60)一上枱有啲驚訝 冇諗過佢咁大塊雞扒😲係正常嘅x2 少誇張之後可以揀配薯條🍟飯🍚或者意粉🍝我揀飯 旁邊有啲西蘭花 豆豆 粟米做配菜 感覺健康啲🥦佢個醬汁係另上嘅咁嘅賣相似足外面高級餐廳 只係平民價錢可以買到！評論吓味道 蔬菜新鮮 清得嚟有味唔乾雞扒超厚肉 佢塊皮煎到超級香脆 金黃色咁然後切落勁淋 一切就切到😍仲可以見到佢好多肉汁 一開始以為係好油 不過之後發現部分係肉汁黎💦完全唔驚佢乾食落果然肉質鮮嫩多汁🤤仲好有雞味 證明新鮮 真係唔知點做到 超有水準調味啱啱好 食到少少鹽味佢個醬汁好特別🍄野菌味好出 因為通常出面都係配照燒汁或者黑椒汁👍🏻好食到可以食曬咁大塊雞扒🐔🍚不過佢個白飯差啲 啲米係好長好幼嗰隻 冇乜黏度 亦唔香米味 一定要餸雞扒入口先ok最後就有熱飲 其實佢有啲花巧啲嘢款 例如奇異果檸蜜 不過因為飽所以飲檸水消膩🍋-呢

不容易發現的一間西餐廳，在金雞大廈內，同朋友一起發現了後真心發現環境不錯，很適合幾個朋友小聚，談心事。點了無骨黑毛豬排 & 雞排，口感非常好。湯也是很好味，有濃濃的雜菇咪道，是我致愛!!另外飲品飲了蜂蜜姜茶、柑桔話梅蜜，滋潤到極點，同朋友傾了很久的計都不會覺得口乾呢!!!一定會再來的餐廳!!!!

唔係朋友約都唔知道原來金雞廣場有扒食一直以為金雞廣場淨係篤波 晏晝時間去到唔使等位 直接入座見到餐牌價錢唔算貴Lunch Set around$60-$80外賣自取仲有八八折份量都唔細好欣賞佢個餐湯攞到黎嗰陣都仲係好熱辣辣 出哂煙同埋裏面係有料嘅 唔係淨係湯 有渣的雞扒煎到塊皮脆卜卜裏面唔會話好乾 醉香雞扒 真係食到有啲酒嘅味道西班牙無骨豬扒冇得頂 好jeng 好多汁 又厚切 同埋無筋的唔使點汁都已經好夠味飲嘢叫咗柚子蜜同埋薑蜜柚子蜜更勝一籌

係旺中同T.O.P行街行到肚餓就諗住食下food court點知一點又好鬼多人喎所以就行左去洗衣街呢邊食cafe嗰座位好闊落 大多數都係沙發坐得都幾舒服我同朋友一人叫左一個lunch set 佢哋最貴嘅扒餐都只係80🤩好抵吖一開始就上咗兩碗熱辣辣嘅餐湯係松茸野菌湯 個湯好稠 而且好足料👍🏻唔係一般嘅忌廉蘑菇湯😋都幾新鮮好飲西班牙無骨豬柳扒配意大利松茸野菌燒汁配飯$78佢個豬柳扒好淋😍基本上無筋好易切但唔係茶餐廳用鬆肉粉整過嗰隻仲要係肥瘦適中大概37分唔會好柴好韌 又唔會係好肥極膩咁我好鐘意佢個意大利松茸野菌燒汁令到嗰扒更加有味 配菜同飯都一流😋佢啲菜都煮得夠熟👍🏻因為最驚西蘭花太硬😱咬唔落口好彩都啱啱好👏🏻👍🏻朋友叫左美國Prime肉眼扒配蒜蓉汁$80要讚下塊牛扒又大又厚👍🏻八十蚊嚟講都真係好抵食👍🏻👍🏻👍🏻塊扒嘅油脂好豐富又鬆輕又多汁而且上面仲有落左啲黑椒解左肥膏嘅膩個意粉都唔錯 唔會好乾 有落油食落去係順口嘅仲落咗啲蒜片同埋蘆筍👍🏻唔錯個蒜蓉汁都OK 只不過係豬扒嗰個汁太好食😋仲叫咗兩杯嘢飲一杯係熱薑蜜另一杯係金橘話梅我自己都好鍾意食話梅 覺得佢同金橘好夾杯野都好重話梅味😋鍾意飲話

聖誕節約友人晚飯，地點選了旺角，印象一般餐廳坐得很迫，又嘈吵，坐耐些想傾計都唔太方便。友人介紹下，去了一間樓上餐廳。這間餐廳一出電梯就看見，接待員熱情款待，地方和坐椅非常寛敞，裝修簡潔，不嘈可以和友人静心傾計，主打西式料理，主厨介紹今天主食是無骨黑毛豬豬扒，另外友人點了天使麵。前菜有好味的蒜蓉法包和忌廉湯，然后等了不久就上主菜，豬扒擺放在木盤上非常好看，青口忌廉天使麵有原隻青口拌碟，賣相也很吸引。黑毛豬肉質很諗，沾上酸甜汁非常開胃，味道軟滑可口，薯條炸得熱脆脆，加上蕃茄醬，非常好味。另外，天使麵忌廉汁很入味，配上蘑菇和青口也很好吃，也值得一試，天氣冷和旱燥，點了熱飲，柚子蜜和蜂蜜姜茶，非常潤囗。最后，還有甜品蛋糕，Tiramisu 和巧克力是我喜愛，整顿晚飯畫上完美句號，下次再來試其它菜色。

今日去左呢間位於旺角金雞廣場新開業既樓上舖，點左佢呢度一份首本名菜，有意想唔到既驚喜。主要係覺得佢價錢唔太貴，又岩岩開業，估唔到佢塊豬扒同雞扒烹調得幾有水準！1. 「西班牙無骨黑毛豬柳扒」 配 意粉 及 蜂蜜柚子茶豬柳扒好大塊，外皮爽脆，咬落去肉質就非常細嫩，肉汁好多而且好香，脂肪分佈好平均，恰到好處，唔會覺得好瘦好硬，亦唔會覺得太油膩！唔會太肥亦唔會太瘦，呢個真係抵讚，百五蚊比較難搵到高質既豬扒，烹調手法睇得出係下過心思。2. 「香煎美國醉香雞扒」配 薯條 及 柑桔話梅蜜雞扒亦唔執輸，皮脆得黎亦有輕微醉雞汁做點缀，Perfect match，九十幾蚊黎講算係好抵，柑桔話梅蜜亦有驚喜，唔會太甜，食左咁多油膩肉類飲番杯，感覺好好多。最後，估唔到佢個甜品咁好食！我平時真係唔多鐘意食朱古力，但佢呢個朱古力心太軟真係幾高質，個皮好脆，一挖入去熱騰騰既朱古力醬即刻流哂出黎，暖透心扉。順帶一提係，間餐廳啲佈置都幾有心思別緻，充滿聖誕氣氛，空間又比較寬敞，坐得幾舒服，我都幾鐘意，會再食！

今日同細佬一齊去波鞋街買鞋，買完鞋就搵下野食醫肚，見呢間餐廳都有唔少好評，就去試試佢。餐廳響金雞廣場入面，都算幾易搵，一出lift就到。場內客人唔太多，靜靜地坐響度吹水都幾好。野食選擇多，價錢合理。>餐湯+蒜蓉法包：磨菇忌廉湯香甜濃郁，蒜蓉法包超多蒜蓉，焗到好香脆，點湯食好好味。>香煎雞扒天使麵：雞扒煎到金黃色，個扒較為薄身，感覺冇咁heavy，肉質嫩滑juicy。天使麵就用上蒜片炒，食落比較乾身。>無骨黑毛豬柳扒配薯菜：比較少餐廳會拎黑毛豬做主打，一場黎到梗係要食下，黑毛豬扒手掌咁大，份量十足，肉質結實+有口感，由於脂肪滲哂落肉度，所以咬落香口但不覺油膩。>Tiramisu：味道唔太甜，軟綿滑溜，充滿咖啡香，可惜只得一層手指餅，若果整大舊d，做到2-3層手指餅，相信食落會更加層次分明。>蜂蜜柚子茶：微甜潤喉，幾好。>柑桔話梅蜜：好得意但又幾夾既配搭，酸酸地幾開胃。

今日約左朋友去旺角食晚飯，餐廳環境大同埋寬鬆，聖誕佈置好早就裝飾。座位好大，舒服。餐廳主要係西餐扒類為主，牛，雞豬肉都有！我朋友就揀咗特級西冷牛扒配薯條，上枱塊牛扒大塊，7成熟左右，非常juicy ，好淋身，香濃牛肉味，切落去一啲都唔硬，薯角亦都好鬆脆可口，仲好熱辣辣。我就叫左無骨黑毛豬扒，同樣都好大塊，煎到好香得黎，一樣鎖住啲肉汁，一啲都唔嚡熠熠！意粉亦都好香，唔係就咁烚，係有加左啲蒜頭炒香左，好好味。頭盤就蒜蓉餐包，幾鬆脆，同埋餐湯，加啲胡椒粉吊下味好好飲。最後每人一杯蜂蜜柚子茶做小總結。

今日冬至， 我特意放自己一日假同媽咪逛街買食材準備晚餐。所以中午就在附近找地方吃了。呢間樓上cafe係朋友介紹的， 位置穩秘。時間有點早， 所以只有三數枱客人。午市套餐一共有7款， 我地第一次嚟，於是就請店家介紹。佢推介西班牙無骨豬扒，唔怕肥嘅我仲揀了肥版豬。媽咪就食煎雞扒。餐湯是蘑菇湯， 夠熱，味道都ok。肥版西班牙豬扒 （另有瘦版可選）就係我至愛，厚身脂肪夠但唔膩，肉質柔軟多汁肉味濃，食落有油香兼特別的滑。主食配左意粉，意粉用蒜片炒香簡單但惹味。媽咪嘅雞扒好大塊，初初冇睇清楚，咬落聞到有浸酒香味， 再睇餐牌先知佢其實是醉雞扒， 難怪咁香口同軟嫩啦！ 雞皮煎到脆卜卜，平時媽咪都會走皮，但呢塊佢全部食哂。 天氣轉涼， 我就勉為其難飲了甜梅蜜，酸酸甜甜時，幾開胃。