Lockeroom Dining (朗晴坊) (Closed)

今日同男朋友行完朗豪坊，就去左朗晴坊覓食。呢間以足球阿仙奴做主題，球迷不妨黎朝聖下。晚市提供套餐，包是日精選沙律、是日餐湯及蒜香牛油法包、主菜、餐飲，好抵。主菜揀左脆炸流心低卡芝士吉列西班牙橡樹果黑毛豬柳同美國Creekstone牛肉眼拼法國鵝肝。沙律用透明罐裝住，附有黑醋汁俾你自己落，新鮮開胃。甘筍湯，味道濃郁清甜。蒜香牛油法包外脆內軟，好好食。脆炸流心低卡芝士吉列西班牙橡樹果黑毛豬柳大大塊，外層香脆，中間夾住芝士，一切芝士流晒出黎，好邪惡。美國Creekstone牛肉眼拼法國鵝肝既肉眼厚身，但比較韌。鵝肝肥美，好岩慢慢品嚐。惠顧套餐可以以六折享用自家甜甜品一份，我叫左梳乎厘班戟$47。好有驚喜，班戟鬆軟，入口即溶，唔係齋食空氣，配曲奇雪糕食，超滿足，一定要食！餐飲叫左凍檸茶同熱咖啡。