滾餃

Open Now

Now Closed

近排食餃子係一個潮流，午餐晚餐都可以食出色既手工餃子。朋友介紹黎左觀塘既滾餃，雖然係樓上店，但裝修都好有格調。午餐晚餐都好多人，都要排隊。Menu 都有好多選擇，唔同既煎煮餃，配唔同餡料，亦都可配麵條。揀左煎餃雙拼$66韭菜豬肉餃蒜芯鮮蝦豬肉餃煎餃最正係可以揀雙拼，幾隻味都可試到，韭菜當然係必叫既餡，蒜芯鮮蝦非常有驚喜，好似食緊蝦餃春卷餡既餃子，好特別，唔錯。香菇粟米豬肉餃湯餃8隻，豬骨湯配上海麵$56湯餃外皮唔會太厚，餡料十足，湯餃啖啖肉，香菇粟米必食，加埋上海麵一定夠飽，豬肉湯夠晒濃郁。煎芝士粟米豬肉餃8隻$55加左軟心芝士，粟米豬肉好有口感，煎得香軟。食完明白點解咁多人排隊，性價比真係好高。飲品方面，揀左豆漿$10，甜度適中。第一次飲紅茶花伝$10既玻璃樽裝檸檬紅茶，味道比膠樽裝更好更fresh，推介。