牛石料理 (Closed)

今次二訪呢間「牛石料理」，食物選擇好多，各款海鮮、刺身、串燒、燒肉及日本料理～真係咩都有！慶祝餐廳開業7週年，入座前先玩個格格有獎幸運輪盤，每枱都有一次機會，我就中咗貝料乙隻😝賣相一流，好新鮮🔅澳洲龍蝦 刺身+龍蝦湯 兩食 $338震撼價，好抵呀，一定要食😍上枱時，龍蝦頭仲識郁，證明真係好新鮮，肉質彈牙又鮮甜，而且份量都幾多，好正！食完刺身，龍蝦頭就會用嚟熬湯，飲落濃郁鮮甜，仲有啲龍蝦肉及龍蝦膏，抵！唔想諗食咩，最簡單就係叫個二人餐先送上蟹籽沙律，青瓜絲加蟹籽，感覺好清爽刺身三款，有三文魚、油甘魚及加拿大海膽，件件厚切，相當有成意，食落好新鮮，特別係海膽好鮮甜燒肉四款，每款有4塊！A4和牛西冷，油脂充足，入口即溶😍頂級牛小排，牛味好香濃，而且肉質幾軟淋😋牛舌心表面燒至金黃，非常好食！日本黑豚西冷都唔錯哦鰻魚炒飯，炒得好香，粒粒分明，軟硬適中，而且好多鰻魚，食落好惹味，好好食😋日式炒雜菜，椰菜加咗木魚絲及芝麻，食落特別香，都幾大碟，最後每人一粒雪糕泡芙，為呢餐劃上完美的句號二人餐份量好足夠，而且好好味😋龍蝦兩食更加係不能錯過，抵食呀！