棋子燒鵝 (Closed)

棋子燒鵝九龍灣偉業街33號德福廣場二期5樓501B號舖Foodeli今日過左黎九龍灣呢頭做嘢，順便係德福廣場行下街啦，有一排無黎原來2期呢邊完全變晒，開左好多新鋪同埋新餐廳，係5樓仲有好大個foodcourt。。離遠見到呢間<棋子燒鵝>排晒隊，而且櫥窗掛係到既燒味望落都好吸引，所以決定加餸買d燒味返屋企同家人一齊嘆店名都叫做<棋子燒鵝>,咁當然一定要試招牌燒鵝啦，提提大家，識揀一定係揀食下莊因為有燒鵝髀。。知道呢間燒鵝係以煙燻既方式去烤製，同出面其他既燒臘檔買到嘅完全唔同，食落真係香濃好多，但最估唔到既就係我外賣囉到返屋企，燒鵝皮都依然好脆，肉質保持鮮嫩，同埋食落仍然保留住d 肉汁，真係值得一讚 除左燒鵝之外我仲買咗半斤燒腩仔，睇個樣已經好想食，肥瘦既層次分明，唔會太瘦亦都唔會太肥膩感覺啱啱好，而且個皮十分脆，有機會一定要試下除咗燒鵝同燒腩仔之外，呢度仲有其他嘅燒味，我見到油雞同埋叉燒都唔錯架，下次要再黎襯試一試