棋子燒鵝 (Closed)

本身是一個燒鵝控，加上在九龍灣返工，此店已吃了很多次，燒鵝味道不錯（雖然有時會有很多肥膏）近幾個月請了一個四眼哥哥仔做收銀，他態度十分差劣，好幾次也受到不禮貌對待，以後不會再幫襯

一向唔寫食評，真係食到火都黎，完全唔覺得自己係食緊燒鵝，仲難食過街市放左幾日都賣唔出的"燒鴨", 勁柴，無味，完全係唔覺得呢隻係"鵝", 真係食到懷疑人生，今生唔會有下次，送都唔會食，仲要收呢個咁嘅價錢！睇相都睇到佢難食！！！！！！！！！！！！！！！！！！！！！！！！！！！！！！

時間尚早黎到九龍灣德福廣場food court，打算食個飯，見到棋子燒鵝就打算試下啦。棋子燒鵝係由「棋哥燒鵝」品牌的「棋哥」黎樹棋及「棋子」黎均誠父子檔創立，有「棋哥燒鵝」品牌保證，相信棋子燒鵝既質素都一定唔差。嚟到嘅時間仲係下午茶時間，所以就揀左下午茶嘅燒鵝飯。廚房即叫即斬，等候時間都唔洗兩分鐘已經可以拎個飯埋位食。燒鵝飯肉質好靚，而且脆皮，而且價錢仲相當抵，只係38蚊。38蚊一個高質嘅既燒鵝飯，下次一定會再黎試下晚餐。

下午茶時間想食的輕盈啲，所係去Foodeli嘅棋子燒鵝買左個外賣下午茶返office食。▪️煙燻燒鵝拼燒腩仔瀨粉煙燻燒鵝冇特別要求位置，但竟然分配左脾位😆煙燻燒鵝比起平時食到嘅燒鵝真係好唔同，食落有好大陣煙燻嘅獨有香味，係食過咁多間燒鵝最好食嘅一間！外皮亦都唔會韌，乾爽鬆化又帶有油香，一絕！燒腩仔嘅部份肉係相當嫩滑，味道亦都唔會過鹹，不過燒腩仔個皮可能擺耐左，有啲腍。湯底部分十分失色，冇味到似清水，連正常嘅鹹味都冇😅另外瀨粉嘅份量十分少，食完個肚係空蕩蕩😅下午茶嘅份量黎講實在係太少了。煙燻燒鵝同燒腩仔整體味道黎講非常唔錯，唯一要改善係個湯底同瀨粉既份量。📍棋子燒鵝九龍灣偉業街33號德福廣場二期5樓501B號舖Foodeli

老公放工，斬料返屋企加餸！滿有期望，見咁多正評，無有衰啦！點知😩😩😩😩😩海蜇燻蹄$10x ，海蜇食落去，似超市即食海蜇，一餅野咁，好多水，燻蹄咸到苦，係咸到苦呀😵‍💫老公仲話，當時師傅話「即刻整比你」，點知咁鬼樣😒價錢又貴，最後成盒掉鬼左☹️燒腩$80，肥到唔知點形容😵‍💫我個女仲食左半盒😭我先發現，眼見肥肉佔七、八成，有少少良心都唔會賣比人啦😡仲衰過喺啲細酒樓食嘅燒腩仔😑😑

放工諗住求其食啲野，就去Food Court睇下先，呢到都有棋子燒鵝，一直都好鐘意食佢地嘅叉燒，就食佢啦，睇睇餐牌先，$4X起，包飲品，仲有1-2人套餐，下午茶…想食嘅燒味都有。朋友叫咗個燒鵝飯，超抵食，唔洗$55就有燒鵝飯，仲有埋野飲，份量都唔少，佢一路食一路話好好食，仲話好鍾意，以後多個選擇🤣我就緊係要我最鍾意嘅叉燒啦，半肥瘦，份量較多，好味，簡簡單單，滿足。以後想食燒味可以過嚟食，外賣勁方便，又可以堂食喎，又抵食👍🏻

依家去九龍灣少左行德褔，多數去德褔轉車，今日見得閒就同屋企人行下睇下有冇咩唔同，以前成日都會去德褔二期架，因為IKEA 係果度，不過搬左之後就少左去喇。今日黎到德褔二期，原來果個位置既5樓變左美食廣場喎，身為吃貨既我地緊係要去試下喇。 今次試食左棋子燒鵝， 睇個名就知呢間係食港式燒味，鍾意食港式燒味既就可以試呢間喇。今次我地叫左燒味舖必叫既棋子叉燒人飯同埋佢地既招牌 棋子燒鵝飯。 叉燒飯見佢俾左瘦叉燒，健康飲食既就岩喇。而燒鵝都皮肉比例好平均，皮脆肉嫩，不過佢既醃料應該係獨家既，因為味道較濃，好容易就食出同出邊味道有小小唔同，如果鍾意食燒鵝可以試下。 棋子燒鵝 九龍灣偉業街33號德褔廣場2期5樓501B號舖

今日假期又同朋友黎到德福廣場行街上次係Foodeli食左山城小麵同占士包點覺得呢度既foodcourt 環境同埋衛生都唔錯所以今次行到肚餓又嚟咗Foodeli搵食呢度foodcourt好多選擇，一路諗緊食邊間好既時候見到棋子燒鵝門面掛住好多好多燒味👀啲燒雞同燒鵝既肥美又有色澤，即刻比佢吸引左最後我同朋友都簡左呢間，各自嗌左個燒味飯一個係燒鵝飯，另一個係叉燒飯🐽棋子叉燒飯配飲品 - $48叉燒有半肥瘦仲有燶邊，香口幾好味叉燒分量又多，白米飯加叉燒蜜汁，一流🦢棋子燒鵝飯配飲品 - $53燒鵝有陣煙熏香，皮脆肉嫩，非常香口食落又有肉汁，呢個價錢係好高cp值嘅燒鵝跟餐有紙包飲品，非常不錯

自己在德福附近返工，但係其實唔知道原來德福二期五樓開咗個美食廣場！ 入邊有唔同菜式，有韓國菜丶中菜丶燒肉丶炸雞等等可謂應有盡有⭐️今日中午時間就同同事嚟呢度試吓，望左咁多間最後決定試吓燒味飯😝呢度有唔同味道嘅燒味，有叉燒、燒腩仔丶燒鵝丶豉油雞，五寶飯等等，價錢由50多元起 ，不太貴我哋叫咗叉燒飯同燒鵝飯😆，每個餐仲包送一包紙包飲品😛叉燒半肥瘦～入口軟熟好吃😋配上軟硬分明的白飯，超級好送飯！至於朋友叫嘅燒鵝飯都相當不錯，大大件，燒得好有油香，鵝肉肉質鮮嫩，再配上油菜，性價比十足！見到呢間餐廳仲可以做燒味外賣，第時可以買返嚟返屋企添餸！⭐️

想食靚燒鵝，不一定要去遊客喜歡去的店，在德福food court裡一間燒味店，原來都相當有質素，意想不到呢。今晚和朋友來吃個燒味飯快餐，叫了一碟燒鵝飯和一燒叉燒飯然後交換吃。首先看到飯量很足，而料的比例亦恰當，還有少量菜補充纖維，價錢相當抵食。燒鵝皮有光澤，鵝肉脂肪不多，一咬下去，不得了，感受到鵝皮輕脆，散發迷人的烤香味，鵝肉雖然較瘦，但肉質細嫩，配上酸梅醬汁來吃，十分開胃。叉燒則是半肥瘦，是最完美的比例，味道甜甜的，很入味，肉質不粗糙，也很下飯。飯亦夠香軟，整體真是有驚喜，性價比高。

德福多人食飯,行到去2期搵食囉有個快餐飯堂FOOD COURT入面有間燒味,見佢賣相唔錯,一於試下估唔到快餐式既燒味飯一樣咁有水準有驚喜,先上一客肥叉飯加燒鵝飯先講燒鵝脾,切件上,燒鵝脂肪少,皮薄夠脆,肉嫩有油香,唔洗再點梅醬已經非常美味鵝油撈飯一流,估唔到呢個牌子燒味都咁出色~再黎一客肥叉燒飯,真係有肥叉,而家好多人怕肥,但其實肥叉唔肥脂肪燒走大半,肥夾瘦肉食落特別甘香一層肉一層脂,滿滿的油香淡淡既甘甜味食完成碟飯都唔覺好油膩~叉燒份量也超多!

試過貴版灣仔棋哥燒鵝，最近見德福廣場開咗間棋子燒鵝，冇理由咁近都唔去試吓呀！？聽講係平民版，見餐牌都係四、五十蚊左右一個餐，價錢合理。點了棋子燒鵝飯，同棋子叉燒飯。先講燒鵝，鵝肉肥瘦均勻，肉質好嫩滑，鵝皮亦是亮點，好香脆😍，咬落好甘香😋😋，同貴板鵝，水準一樣！另一碟叉燒飯，叉燒燒得火喉控制得宜👍🏻可以食叉燒邊微燶嘅香脆，這是我最鍾意食到嘅部位😉😉，叉燒有肉味，一d都唔嚡，份量亦唔少。最好的就係可以大啖大啖咁食😅平時都唔多食飯，但係佢哋嘅飯真係好好味，有𡁻口加埋d燒鵝汁，真係幾乎清哂成碟🤣😂😍😍😍👍🏻👍🏻👍🏻😍😍👍🏻👍🏻

最近天氣炎熱，中午放飯也不太想走在街上找餐廳，所以就來到了德福的美食廣場覓食。走著走著看到竟然有燒臘檔，而且頗為熟悉，上網一查原來是馳名燒鵝名店棋哥燒鵝餐室的分支小店，主打輕量速食，符合附近上班族需求看一看菜單，有齊叉燒、燒腩仔、油雞、切雞和燻蹄飯等，約$48-53。還有各式燒味掛在櫥窗，油光閃亮，相信晚上斬料回家加餸也是很適合🍖 🍗棋子燒鵝飯 $53來到棋哥的食店，當然要試下名物燒鵝。燒鵝有十數件，皮薄夠香脆，肉質鬆化，但略嫌不夠肥，更多油脂味道會更好🥓棋子叉燒飯 $48叉燒肥瘦適中，邊緣位置帶點焦香，蜜汁調味恰當。飯量也頗足，男士食也會夠飽，問店員多拿拌飯豉油才夠味，味道帶甜

這天和朋友相約一同前往吃飯，餐廳位於九龍灣的food court之內，內裏冷氣充足，座位舒適 ，還算不錯。 我們挑選的餐廳就是一家燒鵝專賣店， 我和朋友挑選了一個燒鵝飯一同享用， 沒想到兩個人挑選一個飯，也可以 好滿足， 本來還打算吃其他餐廳， 但這次不用了，全因為燒鵝飯的份量十足， 味道一流，絕對是性價比之選， 另外，值得讚賞的就是它提供的醬汁， 自家調配的醬汁就是分外美味，味道不太鹹， 完全適合 我的口味 ，更驚喜的士 燒鵝外皮香脆， 肉質鮮嫩， 果然是 專賣店，老店就是這樣的好。

德福開左新food count, lunch周圍排晒隊就一於去food count 食。間間都好爆場，同事話好耐無食燒味🤣不如食燒味飯，見價錢平平地，就一人叫個飯醫肚仔。.▪️棋子燒鵝飯$53價錢夠大眾化，本來無咩特別期望，但上碟又真係幾掂👍🏻 鵝肉肥瘦適中 ，色澤光鮮。外皮香脆，每一口都鬆化，充滿油香，燒鵝汁甘香惹味。.▪️棋子叉燒飯$48 我不喜歡太甜的叉燒，太腍的也不喜歡。所以呢度既叉燒飯總算不錯，叉燒不太甜，吃起來有點豉醬味道又帶有淡淡玫瑰露香味，肉為兩邊，一邊帶半肥，另一邊較瘦，肉質不腍，越嚼越有味。$48黎講 評價好高👍🏻.九龍灣都幾少燒味店（快餐除外），呢間棋子燒鵝都算係咁。