Video
Read full review
2021-04-25
803 views
必食爆汁流心椰汁球～～～最近嘅心情份外抑壓，我需要少少陽光令自己positive一d，同時亦都需要食物，令我嘅心情變好，大舊👦🏻聽完我嘅諗法之後，就帶我嚟尖沙咀嘅呢一間海景茶樓飲茶。～～～為咗霸個靚位，我哋早早11點幾就嚟到，坐低叫咗滾水普洱之後就開始睇餐牌，最後就揀咗以下幾款食物：-原隻鮑魚燒賣皇-西班牙黑毛豬叉燒包-翡翠筍蝦餃王-菜遠蝦球湯伊麵-流心椰汁球-鮑汁鳳爪～～～等食物嘅途中可以欣賞下佢哋嘅維港美景，令人心情舒暢。第一碟上嘅食物就係西班牙黑毛豬叉燒包，由於比平時嘅豬用得靚所以佢哋嘅呢一個叉燒包，叉燒味道份外濃郁，裏面嘅叉燒半肥半瘦，醬嘅份量又唔會過多，係正嘅。～～～之後上嘅就係蝦餃王同埋燒賣王，前者有四粒後者有三粒，無論係邊一種佢哋入邊嘅蝦都爽口彈牙，蝦餃皮薄，燒賣香菇香氣突出，而且仲有一粒鮑魚仔喺上面，便宜價食出奢華感覺，係開心的。～～～菜遠蝦球湯伊麵就同燒賣蝦餃一樣，個蝦球都係彈牙新鮮嘅感覺，湯底清清地，加埋大大碗伊麵，飽肚美味，令人感覺非常滿足。～～～鮑汁鳳爪就一共有六隻，軟腍入味，入口即刻爛開，啱晒我呢啲連咬都懶得嘅懶人😆。～～～最後我哋嘅成個午茶就以一食難忘嘅流心
～～～
最近嘅心情份外抑壓，我需要少少陽光令自己positive一d，同時亦都需要食物，令我嘅心情變好，大舊👦🏻聽完我嘅諗法之後，就帶我嚟尖沙咀嘅呢一間海景茶樓飲茶。
～～～
為咗霸個靚位，我哋早早11點幾就嚟到，坐低叫咗滾水普洱之後就開始睇餐牌，最後就揀咗以下幾款食物：
-原隻鮑魚燒賣皇
-西班牙黑毛豬叉燒包
-翡翠筍蝦餃王
-菜遠蝦球湯伊麵
-流心椰汁球
-鮑汁鳳爪
～～～
等食物嘅途中可以欣賞下佢哋嘅維港美景，令人心情舒暢。第一碟上嘅食物就係西班牙黑毛豬叉燒包，由於比平時嘅豬用得靚所以佢哋嘅呢一個叉燒包，叉燒味道份外濃郁，裏面嘅叉燒半肥半瘦，醬嘅份量又唔會過多，係正嘅。
～～～
之後上嘅就係蝦餃王同埋燒賣王，前者有四粒後者有三粒，無論係邊一種佢哋入邊嘅蝦都爽口彈牙，蝦餃皮薄，燒賣香菇香氣突出，而且仲有一粒鮑魚仔喺上面，便宜價食出奢華感覺，係開心的。
～～～
菜遠蝦球湯伊麵就同燒賣蝦餃一樣，個蝦球都係彈牙新鮮嘅感覺，湯底清清地，加埋大大碗伊麵，飽肚美味，令人感覺非常滿足。
～～～
鮑汁鳳爪就一共有六隻，軟腍入味，入口即刻爛開，啱晒我呢啲連咬都懶得嘅懶人😆。
～～～
最後我哋嘅成個午茶就以一食難忘嘅流心椰汁球作為結束。脆卜卜帶有芝麻香嘅煎堆仔，一咬落去中間嘅椰汁就流出來，軟軟糯糯又香香甜甜，呢個真心必叫。
～～～
推薦度：🔥🔥🔥🔥🔥🔥🔥🔥🔥
Post
