正九清湯腩．冰室 (美輪大廈)

Open Now

Now Closed

正九記的牛腩一直都出名好食，係北角發現原來正九記都有冰室，簡直大發現，就入去食午餐試吓新嘢。除咗招牌牛腩粉麵，多咗好多特色小菜，川菜。🩵香茜皮蛋豆腐魚片湯 $95份量多，魚片嫩滑非常多，下火之選，魚片湯清甜，我哋差唔多飲晒。🩵清湯崩沙腩可粉 $60崩沙腩要+$8，幾乎係必點，透住油光，筋膜之間的肉非常嫩滑。🩵清湯牛三寶撈麵 $74牛三寶，就可以試晒牛筋、牛腩同牛肉，份量滿滿。🩵腩汁菜心 $19有湯有肉，必有菜，菜心嫩口。正九記冰室性價比真係好高，餐牌好多特色菜松鼠魚、酸菜魚、砂鍋雲吞雞、特色小菜都係幾十蚊至$130左右，價格親民，重點係好食，座位係冰室中算是較為闊落同舒適。