Video
Read full review
2011-01-18
16 views
之前成日都話要等位等位，但係自己又怕等位，所以一直都冇去試。是日天氣寒冷，決定去食人氣一時無兩嘅生記。去到嘅時候竟然冇人等位，有幾枱客，兩個兩個兩個咁，我都係兩個。主角駌鴦粥(蟹+蜆)$108，今日啲蟹有膏，不過唔算好爆，收貨啦，海鮮呢啲嘢水水唔同嘅。粥底幾綿帶淡黃色，聞落有少少蟹香。食落唔鹹，不過夠味。隻蟹都好新鮮，肉身幾鮮甜，算幾大隻。仲有！好多蜆！估唔到咁多，多過大排檔一碟豉椒炒蜆，蜆肉唔大但係都新鮮貨。總括嚟講呢啲煲蟹粥幾好食，用料都好新鮮，值得推介。蠔仔春卷$29/2條，因為煲粥有蜆肉，所以捨蜆肉春卷而揀蠔仔春卷。春卷入面確係塞滿珍珠蠔，蠔仔都幾肥幾飽滿。只係略嫌油咗啲，能夠索乾油春卷皮乾身啲就感覺良好啲。油菜$35，冇得揀，只有菜心。菜心有啲老，有少少渣。形式係麵檔嗰種蠔油菜心，係大碟啲。擂沙湯丸$25/4粒，原本想試米通嗰隻，但係佢話冇喎，唔知係唔再做定係冇米通。擂沙湯丸鋪滿花生粉，食嘅時候唔可以抖氣，唔係只要好輕微嘅呼吸都會吹到周圍都係粉。一啖咬落去，都幾熱，但係零流沙！！！咁佢又冇寫明係流沙擂沙湯丸，可能係我諗多咗。呢個唔推介。生記日抖係普通茶餐廳，試過佢嘅沙爹牛麵，
主角駌鴦粥(蟹+蜆)$108，今日啲蟹有膏，不過唔算好爆，收貨啦，海鮮呢啲嘢水水唔同嘅。粥底幾綿帶淡黃色，聞落有少少蟹香。食落唔鹹，不過夠味。隻蟹都好新鮮，肉身幾鮮甜，算幾大隻。仲有！好多蜆！估唔到咁多，多過大排檔一碟豉椒炒蜆，蜆肉唔大但係都新鮮貨。總括嚟講呢啲煲蟹粥幾好食，用料都好新鮮，值得推介。
蠔仔春卷$29/2條，因為煲粥有蜆肉，所以捨蜆肉春卷而揀蠔仔春卷。春卷入面確係塞滿珍珠蠔，蠔仔都幾肥幾飽滿。只係略嫌油咗啲，能夠索乾油春卷皮乾身啲就感覺良好啲。
油菜$35，冇得揀，只有菜心。菜心有啲老，有少少渣。形式係麵檔嗰種蠔油菜心，係大碟啲。
擂沙湯丸$25/4粒，原本想試米通嗰隻，但係佢話冇喎，唔知係唔再做定係冇米通。擂沙湯丸鋪滿花生粉，食嘅時候唔可以抖氣，唔係只要好輕微嘅呼吸都會吹到周圍都係粉。一啖咬落去，都幾熱，但係零流沙！！！咁佢又冇寫明係流沙擂沙湯丸，可能係我諗多咗。呢個唔推介。
生記日抖係普通茶餐廳，試過佢嘅沙爹牛麵，沙爹幾香。熱奶茶，幾好飲。夜市選擇唔多，不過人人嚟都係為咗食蟹粥蜆麵啫，唔知如果啲蟹唔當造or是日無蟹咁點算？
仲想試八爪魚丸同冬陰公蜆湯烏冬，只得兩個人又食唔到咁多，為有留返下次。
Post