Video
Read full review
2024-06-16
159 views
餐廳：鮨政 (上環)地址：上環蘇杭街105號地舖其實之前食過鮨政中環店嘅壽司放題真心唔錯，壽司質素都算幾高👍，不過早排中環店結業，聽到都真喺有啲可惜。今次經過上環，去咗佢哋開咗接近7年嘅上環分店，確實比咗我一啲新驚喜🎉佢哋依家每個月都做緊唔同嘅期間限定優惠，只要Follow佢哋社交平台再Show比店員睇，就會有甜品送🍡，而今個月送嘅甜品喺黃豆粉蕨餅😍鮨政除咗有Omakase set，仲有多款壽司同刺身拼盤🍣，最近亦新出咗唔少一品料理同炸物熱食🍤，食物種類嘅選擇多咗，自然吸引多咗唔同需要嘅客人，包括唔少慕名而嚟嘅外國客人👨🏼🦱✝️韓式海鮮沙律 $108以三文魚、帶子同鯛魚為主打嘅海鮮沙律🥗，配搭埋新鮮沙律菜同香濃芝麻油確實幾開胃惹味👍✝️清酒煮蛤 $98雖然份量唔多大概得10隻左右，不過隻隻都好飽滿而且非常鮮甜，一啲苦澀腥味都無😙✝️豪華海鮮飯 $360重點推介、每日只喺限量供應2-3份嘅豪華海鮮飯，真喺手快有手慢無，份量話就話啱兩個人，但其實兩個人食都覺得有啲多，三個人食應該就啱啱好🤪。壽司飯上面鋪滿各式各樣嘅刺身海鮮：鰻魚、鯖魚、油甘魚、三文魚、三文魚腩、玉子、魷魚🦑、蟹籽、蟹柳、熟蝦🦐
地址：上環蘇杭街105號地舖
其實之前食過鮨政中環店嘅壽司放題真心唔錯，壽司質素都算幾高👍，不過早排中環店結業，聽到都真喺有啲可惜。今次經過上環，去咗佢哋開咗接近7年嘅上環分店，確實比咗我一啲新驚喜🎉
佢哋依家每個月都做緊唔同嘅期間限定優惠，只要Follow佢哋社交平台再Show比店員睇，就會有甜品送🍡，而今個月送嘅甜品喺黃豆粉蕨餅😍
鮨政除咗有Omakase set，仲有多款壽司同刺身拼盤🍣，最近亦新出咗唔少一品料理同炸物熱食🍤，食物種類嘅選擇多咗，自然吸引多咗唔同需要嘅客人，包括唔少慕名而嚟嘅外國客人👨🏼🦱
✝️韓式海鮮沙律 $108以三文魚、帶子同鯛魚為主打嘅海鮮沙律🥗，
配搭埋新鮮沙律菜同香濃芝麻油確實幾開胃惹味👍
✝️清酒煮蛤 $98雖然份量唔多大概得10隻左右，不過隻隻都好飽滿而且非常鮮甜，一啲苦澀腥味都無😙
✝️豪華海鮮飯 $360重點推介、每日只喺限量供應2-3份嘅豪華海鮮飯，真喺手快有手慢無，份量話就話啱兩個人，但其實兩個人食都覺得有啲多，三個人食應該就啱啱好🤪。
壽司飯上面鋪滿各式各樣嘅刺身海鮮：鰻魚、鯖魚、油甘魚、三文魚、三文魚腩、玉子、魷魚🦑、蟹籽、蟹柳、熟蝦🦐、鰹魚🐟，超過10款魚生都咪話唔豐富吸引🤩，無論喺大食嘅你，定喺想試唔同魚生嘅你都絕對一定啱😎
另外叫咗個油甘魚刺身($90)，一客有5件，每件都接近3cm厚，肉質爽嫩細膩，獨特嘅魚油香加上甘甜滋味實在齒頰留香😋；
飛魚子軍艦($30)最正就喺一啖放入口，然後享受無數粒飛魚子喺口中爆破嘅清脆口感，飛魚子本身已經鮮味十足，配埋脆紫菜、豉油同Wasabi一齊食就更加出色🤓
Post
