韓宮 (Closed)

今日喺黃埔放工就順便約埋同事食埋飯先走，去左民泰街一帶行下，見到呢間韓國餐廳門口做梗自家醃製醬油蟹優惠，心郁郁有啲想食所以就入咗去幫襯。餐前小食分別有菠菜、泡菜、醬油薯仔同醃蘿蔔，每款前菜都非常夠味。醬油蟹 ($68) : 見到實物流晒口水 🤤 醬油蟹一開四，每件都有勁多膏超鮮甜，口感同味道都超級正 😍 食完返唔到轉頭，見到每一台客都有叫，呢個醬油蟹必食。BBQ Set C ($499) : 有調味牛肋骨、牛五花、五花腩、豬頸肉同其他伴碟。牛肋骨啖啖肉超多汁，經調味後煎熟就已經食得，五花腩同豬頸肉同樣燒至微微焦香，由於未醃過所以要配泡菜或者芝士食就更佳，第一次食燒肉有雪耳真係幾特別 😂 等雪耳吸哂肉類嘅油脂再入口，食起嚟油香滿溢非常邪惡，埋單時店員提到經社交平台訂坐，都可以以優惠價 $68 食到醬油蟹一隻。