瑞榮餐室

Open Now

Now Closed

粒粒金磚西多士呢度嘅西多士好特別，出面大部份嘅都係兩塊麵包夾埋，就算，但呢度切到好似磚頭咁嘅cubes，煎到六面都又金黃又脆，而且唔會太油膩，裏面仲有花生醬添！茶餐仲包埋配菜，我揀咗香茅雞翼，佢肉質飽滿，外脆內嫩，仲有香茅嘅香味，大推！另外仲叫咗份公司三文治，每份都幾豐富，有午餐肉，蛋，番茄等等，勁多餡，配埋沙律醬，食落好開胃，而且三文治明明烘過，食落仲係熱嘅，大大加分！飲品方面，紅豆冰可以選椰汁或者普通，我揀咗椰汁學紅豆冰，紅豆分量超多，啱哂我，所以幾時都話紅豆冰配茶餐係最好嘅！總括而言呢度嘅茶餐好有驚喜，特別係份量好大，而且每樣都新鮮即製，好食又多選擇，會encore！