Video
Read full review
2018-04-12
97 views
一向都鍾情於食日本嘅Omakase，今次去到銅鑼灣鬧市區嘅高級日本料理餐廳用餐，慶祝朋友的生日。餐廳環境裝修華麗有氣派，好有日式感覺，配合主題以鳥類-鶴為主題，見到吧枱上都有一隻鶴雕像，另有一番格調。餐牌上有四款Omakase套餐選擇，視乎食物嘅數量而定，最後我哋揀選左櫻都套餐，當中包括十種加卷物。自家製牛蒡同埋螢光魷魚味道非常新鮮。牛蒡酸酸甜甜好開胃。北海道真蠔有我手板咁大隻，而且食落去非常鮮甜肥美，口感好Creamy。海膽百頁百頁即係我哋俗稱嘅腐皮，師傅建議我哋一啖食落口，海膽非常甜，而且兩者一齊食個味道好match。海鰻BB-穴子苗好滑身，口感煙靭。魴鮄魚即係清道夫，捲着海膽一齊食，一啖過，不需點任何醬汁都好夠味道。除此之外，平目魚鰹魚櫻花、燒白子紫菜同埋深海八爪魚菜式特別之餘，味道仲好清新鮮甜。壽司方面，當中嘅春子雕壽司🍣柚子味道濃郁，食落去口感爽滑。另外仲有針魚、伊左目、粒貝、帆立貝、非常罕有嘅江戶前壽司代表作-小肌壽司、吞拿魚等等。當中有我最鍾意嘅吞拿魚-拖羅，賣相非常吸引，而且厚切的，食落去簡直有入口即溶嘅口感。蔥花吞拿魚飯上面鋪滿芝麻，食落去更有口感。魚湯係用七種唔同雕
餐廳環境裝修華麗有氣派，好有日式感覺，配合主題以鳥類-鶴為主題，見到吧枱上都有一隻鶴雕像，另有一番格調。
餐牌上有四款Omakase套餐選擇，視乎食物嘅數量而定，最後我哋揀選左櫻都套餐，當中包括十種加卷物。自家製牛蒡同埋螢光魷魚
味道非常新鮮。
牛蒡酸酸甜甜好開胃。
北海道真蠔有我手板咁大隻，而且食落去非常鮮甜肥美，口感好Creamy。
海膽百頁百頁即係我哋俗稱嘅腐皮，師傅建議我哋一啖食落口，海膽非常甜，而且兩者一齊食個味道好match。
海鰻BB-穴子苗好滑身，口感煙靭。魴鮄魚即係清道夫，捲着海膽一齊食，一啖過，不需點任何醬汁都好夠味道。
除此之外，平目魚鰹魚櫻花、燒白子紫菜同埋深海八爪魚菜式特別之餘，味道仲好清新鮮甜。
壽司方面，當中嘅春子雕壽司🍣柚子味道濃郁，食落去口感爽滑。另外仲有針魚、伊左目、粒貝、帆立貝、非常罕有嘅江戶前壽司代表作-小肌壽司、吞拿魚等等。
當中有我最鍾意嘅吞拿魚-拖羅，賣相非常吸引，而且厚切的，食落去簡直有入口即溶嘅口感。
蔥花吞拿魚飯上面鋪滿芝麻，食落去更有口感。
魚湯係用七種唔同雕魚淆製，味道非常濃郁，而且一啲都唔腥，飲落去味道新鮮鮮甜。
最後就係甜品-抹茶紅豆布甸，餐廳悉心製作，就連甜品嘅賣相都非常吸引，食落去有好濃郁嘅牛奶同埋苦澀嘅抹茶味道，兩者味道能夠中和，簡直係絕配。呢餐生日飯就連我朋友都大讚同埋非常滿足，而且喺銅鑼灣鬧市中搵到咁高質素、咁好服務態度嘅廚師發板餐廳，真係買少見少了，所以下次經過必定會再encore。
Post
