一君士多 (Closed)

星期一做完gym喺附近搵嘢食，又唔想食咁多，所以就去咗呢一間食車仔麵🤣男朋友叫咗一個咖喱牛腩飯，我就叫咗一個車仔麵，同埋一個炸燒賣！咖哩牛腩飯係日式咖喱，醬汁幾甜幾好味，牛腩都幾多，唔錯！我嘅車仔麵係一個非一般嘅車仔麵，因為有鮑魚同花膠，所以都唔算平，不過佢都幾多花膠，另外想特別推介嘅係佢枱面嘅麻辣醬同埋辣椒油，兩個都超級香好好味，尤其是個麻辣醬唔係好辣但係好上癮！炸燒賣唔係太鹹，好好食。同埋菠蘿冰都係店員推介，唔係太甜幾好飲！