綠茶餐廳 (希慎廣場)

Open Now

Now Closed

今日朋友帶我去呢間位於希慎新開嘅江浙菜，中午時間都好多人，我地都要等一陣。龍井烤雞呢個係朋友介紹一定要食，下面有龍井茶葉煙燻住雞，烤雞烤到外皮香脆，雞肉嫩滑非常多汁，帶有茶香味道。粉絲裹蝦一道非常惹味嘅菜式，送飯一流，蝦肉爽口彈牙，粉絲吸收晒醬汁味道。西湖藕韻蓮藕入口爽脆，味道甜甜地，顏色10分美麗。熗拌龍鬚菜係一道涼拌菜，味道酸甜開胃，帶有少少辣味，龍鬚菜口感幼嫩。綠茶餅用咗江南名物綠茶葉整成嘅麵餅，加上芝麻中間夾有芋泥，口感外脆內軟。紅寶石琉璃大大杯10分解渴，係紅石榴汁味道酸甜開胃，上面仲有一隻小熊10分可愛。