Video
Read full review
2016-10-20
10662 views
我身邊好多朋友都好鍾意食Buffet，我亦唔例外，係自助餐的忠實粉絲，只可惜阿J 就一般，佢話Buffet大部分食物始終係一早煮好再不停番熱，唔及即叫即煮咁好食，但我早聽聞會展的"薈景"出名多現場即叫即煮熱食，適逢中秋節老媽子大人吩咐我提議去邊度做節食飯，啱晒啦，邊個話做節一定要食中菜，一家人食Buffet 咪仲高興！興奮的我，一開始實在有點迷失，因為食物區實在太大了，周圍都係美食，一下子真係唔知從哪裏入手。好，深呼吸，定一定神，就從沙律這邊開始吧！基本上講得出的沙律都有得選擇，新鮮開胃，特別一提連有機菜都有，阿J 最喜歡。食沙律，當然要配火腿及芝士。多款火腿鹹香十足，芝士的選擇更多，總有一款啱你口味，而我特別鍾情這裡的煙燻牛肉，味濃牛肉香。日式冷盤亦有多款，如海葡萄沙律及日式凍豆腐，而蟹籽凍番茄仔就夠晒醒胃。同個胃做完熱身，係時候食我最鍾意嘅凍海鮮。海蝦肉質彈牙、麵包蟹爆膏、翡翠螺鮮甜、長蟹腳多肉、就連鮑魚仔都有得食，鮮味十足。未夠喉? 冇問題，南非、Tasmania 及 Smokey Bay 三款即開生蠔源源不絕供應，各具特色，最重要是全都新鮮肥美，喜歡食生蠔的家人開心到暈。老媽子
興奮的我，一開始實在有點迷失，因為食物區實在太大了，周圍都係美食，一下子真係唔知從哪裏入手。好，深呼吸，定一定神，就從沙律這邊開始吧！基本上講得出的沙律都有得選擇，新鮮開胃，特別一提連有機菜都有，阿J 最喜歡。食沙律，當然要配火腿及芝士。多款火腿鹹香十足，芝士的選擇更多，總有一款啱你口味，而我特別鍾情這裡的煙燻牛肉，味濃牛肉香。
日式冷盤亦有多款，如海葡萄沙律及日式凍豆腐，而蟹籽凍番茄仔就夠晒醒胃。
同個胃做完熱身，係時候食我最鍾意嘅凍海鮮。海蝦肉質彈牙、麵包蟹爆膏、翡翠螺鮮甜、長蟹腳多肉、就連鮑魚仔都有得食，鮮味十足。未夠喉? 冇問題，南非、Tasmania 及 Smokey Bay 三款即開生蠔源源不絕供應，各具特色，最重要是全都新鮮肥美，喜歡食生蠔的家人開心到暈。
老媽子超好心機幫我們折蟹肉，以下便是她的傑作，幾時都話世上只有媽媽好！
其實仲好想追食落去，但眼見仲有好多好多好多其他食物區，所以決定轉食魚生壽司區。六款即切魚生包括吞拿魚、帶子、三文魚、油甘魚、象拔蚌及北寄貝，水準跟外出日本餐廳一樣出色，而壽司款色有多種選擇，壽司飯軟腍度適中，有驚喜，喜歡魚生的哥哥食得不亦樂乎。
之前提過這裏的自助晚餐出名多即叫即煮，今次有無令阿J失望？睇完片你就會知。
先來鐵板燒大蝦，隻隻都手板咁長，蝦肉爽甜彈牙，燒得香口惹味，我足足食咗半打 ~ 六大隻！！
正當等緊燒大蝦之時，隔離香噴噴的燒大蜆不斷向我招手，隻隻鮮甜肥味，記得飲埋殼內的湯汁，阿J 大讚。
接着的燒美國牛肉，喜歡食牛的朋友，必吃。肉質軟腍，肉味濃郁，喜歡較生的朋友，記得叫廚師切較中間位置。
好家禽肉類的朋友，一定不要錯過這裏的香煎鴨肝以及片皮鴨。鴨肝肥美香脆，油脂充足，與多士一齊吃剛好中和了那些肥膩感。
至於片皮鴨，即燒即片，鴨皮香脆，肉質嫩滑，深得我阿爸歡心。
而我阿媽就對這個紅燒原隻鮑魚讚口不絕，話炆得軟腍入味夠火喉，由於每人限攞一隻，孝順的我當然俾埋阿媽食啦。
至於我自己就最欣賞這個即煮海龍王湯，材料豐富，有蝦、魷魚、蜆及鱸魚等海鮮，鮮味十足，香甜潤喉。
阿J 另一推介係由印度師傅現場即製的印度薄餅，配以落了大量香料炮製的正宗印度咖哩，香辣得來富層次感。
以上所講的，全都是廚師為客人即叫即製，唔使多問都知阿J頗滿意，但大家唔好忘記仲有好多唔同國家口味的熱盤未出場，如泰式的超彈牙蝦餅、香芧骨及炒時菜肉片，重口味的馬來西亞炸榴槤波，一口一件的串燒美式烤雞薄餅，德國豬肉腸，仲有日式的鹽燒鯖魚及海膽醬蒸蛋，當然唔少得自己中國小菜如果皮蒸多寶魚、辣酒煮花螺、通菜牛肉、翡翠炒蘭花糖、滷水有墨魚片、豬耳、豬脷、牛展、雜菜粥、蓮藕紅棗章魚豬踭湯以及各式粉麵飯等等等等，實在太多食物中毒選擇，不能在此盡錄。
阿J另一至愛-炸榴槤！
好了，到甜品時間，鹹食就夠晒豐富了，睇下甜品水準又如何？四個字形容哂~ 琳琅滿目。糕點櫃放滿了各式各樣的小糕點、蛋糕、布甸、萢芙等，我淨係見到好多女士同小朋友成晚不停團住呢個櫃...
深信其中一個原因係因為有大人細路都鍾意的即制棉花糖。
而我最喜歡的當然是有五款口味( 雲呢拿、朱古力、曲奇、咖啡及士多啤梨) 選擇的Haagen-Dazs 雪糕。
聽餐廳經理講，總之連埋甜品這裡每晚供應的食物種類不會少於128款，無錯，你無睇錯，我都無寫錯，係128款，暫時來講，薈景係我食Buffet之中，最多食物選擇的一間餐廳，而重點係量多的同時水準亦兼顧到。今晚，一家人開開心心的食飯，各自都享受到自己喜歡的食物，用指定信用卡可享有特別優惠，持長者咭的長輩仲可以有半價待遇，以後做節，不用傷腦筋去邊度食了，不過呢，薈景真係長期滿座，記得要一早定位。
Post
