加多娜天然酵母手作麵包店

Open Now

Now Closed

出開九龍，為左食加多娜嘅面包，天氣好熱都特意由佐敦行過去油麻地，可見啲包對我有好大吸引力。基本上呢間面包店長期都好多人，每次去都要排隊，係差在在店入面打蛇餅定排出街，今次亦無例外，成間舖塞滿左忠粉，仲有海量遊客。如果有人維持秩序就好，因為我俾錢時真係俾人打咗尖，都唔想出聲嘈了。究竟係咩吸引左我去排長龍，並唔係佢個出晒名嘅面包布甸，亦唔係3Q餅，而係佢個焙茶Bagel。以前第一次食，驚為天人，今轉第N次食亦無例外，保持一貫水準。個包軟得黎有啲chewy，比一般嘅bagel 易𡁻。加上超濃郁嘅焙茶香味，中和左啲cream cheese/乳酪嘅油膩感，細細個唔太滯，做下午茶一流。今次順道試埋佢個開心果泡芙，入面嘅開心果餡料好滑好creamy，皮亦很薄，但整體甜左啲，開心果味亦不算太突出，對我黎講份量頗大，食完有啲"漏"嘅感覺。期待下次可以買到開心果燒餅，睇下會否比泡芙好食。