Poseidon Restaurant & Bar (Closed)

Poseidon Restaurant & Bar 位於尖沙咀近地鐵站，地點相當就腳，每次我去到尖咀區如果想食西式海鮮盤，都自不然會去Poseidon，貪佢嘅海鮮盤樣樣新鮮，而且我想食嘅款式都齊，餐廳地方又大又乾淨整齊，係最好同朋友吹水聚腳點。🥘今晚同朋友都係必點佢嘅烤龍蝦海鮮併盤😋龍蝦半隻、大虎蝦、扇貝、青口、蜆、三文魚同魷魚🦑，我想食嘅海鮮樣樣齊，好鍾意成個併盤上，睇落豐富又滿足，而且入邊仲有好多西蘭花🥦、椰菜花、肉腸同粟米🌽，配埋個Cajun Sauce 呢個醬汁香氣強烈，滋味濃郁，帶微微辣，十分適合燒烤過嘅海鮮，再落啲檸檬汁，更加令海鮮鮮味提升至極點。海鮮當中最正緊係龍蝦同虎蝦啦，新鮮彈牙，肉質鮮甜，龍蝦頭仲滿鋪綠色嘅蝦膏，甘香無比。🍴傳統西西里醬鮮蟹肉扁意粉🍝 - 西西里醬汁同任何種類嘅意粉都係絕配，醬汁嘅蕃茄酸甜度互相融合，而且帶有些少辣度，既開胃又唔會有滯溜感；每條扁意粉都占滿醬汁，意粉軟滑又有咬口，成個味道balance得好好，主角蟹肉，鮮甜可口，撈埋意粉一齊食，增加一份鮮味。🍹最後飲埋杯青檸梳打，嘅青新又消滯，係食烤盤最好拍檔😆。