德國餐廳 (博文街) (Closed)

大角咀近期多左唔少新開嘅特色餐廳小店，想飲杯啤酒happy hour下嘅話，呢間喺博文街嘅德國餐廳就岩哂啦! 食德國野緊係要嗌返個德國鹹豬手，同喺德國嘅時候食一樣都會配埋燉菜跟薯仔沙律。幾正宗面皮脆卜卜，焗左既豬手少左份油膩感，入口幾滑，感覺有滿滿嘅骨膠原，配埋佢個酸菜啖啖肉，用嚟送啤酒一流。芝士薯條薯條即叫即炸，面頭d芝士焗到好金黃，超級熱辣辣，薯條 偏幼身，香脆但唔油膩，搞到完全停唔到口。超正! 超邪惡! 絕對不能錯過！