Video
Read full review
2021-06-17
2569 views
其實我一直都私藏左一間隱世樓上私房菜🙊坐落銅鑼灣地鐵站附近但沒有高調宣傳到達餐廳之後發現原來座無虛席的確～默默做好自家出品設計既中菜菜式總會不知不覺吸引一班識食食客今次請師傅安排既四人套餐非常抵食👍🏻一共八道手工菜🤩每道都超細緻、用料靚、工序繁多💆🏼屬心機之作以私房菜黎講～每人只需$700💰CP值非常高💯而且同行小編表示值得一讚既～喺味道調味方面唔會過鹹、亦唔會特別多味精反正真係食番多啲食材既原汁原味😋.【🧑🍳 金沙大刀脆魚皮 $68】黃金脆魚皮勁大塊！好有排場😍唔係細細片鹹蛋味濃厚而且呈流沙狀態～唔太油膩亦保持酥脆.【🧑🍳 冰鎮話梅黃金球 $78】黃金球其實即係東瓜粒以話梅入饌後～兩者相輔相成帶來獨特既酸甜味而正所謂不時不食呢道菜式好岩炎炎夏日作為開胃小吃☀️.【🧑🍳鮑汁扣原件12頭花膠扒 $368】我會叫呢個做Bug價🤫點解會抵食到咁樣！原件花膠扒足足有兩隻手掌咁長四個人分食每人都有四五件鮑汁真材實料食完無口乾～配白飯食應該一流🔝下次再黎食應該每人一碟🤪.【🧑🍳魚湯黃金脆米海東星斑 $1,480】呢道菜必點～必點～必點❗️同埋book 位時記得預訂～真係有錢都未必食到因為老板要
坐落銅鑼灣地鐵站附近但沒有高調宣傳
到達餐廳之後發現原來座無虛席
的確～默默做好自家出品設計既中菜菜式
總會不知不覺吸引一班識食食客
今次請師傅安排既四人套餐非常抵食👍🏻
一共八道手工菜🤩
每道都超細緻、用料靚、工序繁多💆🏼屬心機之作
以私房菜黎講～每人只需$700💰CP值非常高💯
而且同行小編表示值得一讚既～
喺味道調味方面唔會過鹹、亦唔會特別多味精
反正真係食番多啲食材既原汁原味😋
.
【🧑🍳 金沙大刀脆魚皮 $68】
黃金脆魚皮勁大塊！好有排場😍唔係細細片
鹹蛋味濃厚而且呈流沙狀態～
唔太油膩亦保持酥脆
.
【🧑🍳 冰鎮話梅黃金球 $78】
黃金球其實即係東瓜粒
以話梅入饌後～兩者相輔相成帶來獨特既酸甜味
而正所謂不時不食
呢道菜式好岩炎炎夏日作為開胃小吃☀️
.
【🧑🍳鮑汁扣原件12頭花膠扒 $368】
我會叫呢個做Bug價🤫點解會抵食到咁樣！
原件花膠扒足足有兩隻手掌咁長
四個人分食每人都有四五件
鮑汁真材實料食完無口乾～配白飯食應該一流🔝
下次再黎食應該每人一碟🤪
.
【🧑🍳魚湯黃金脆米海東星斑 $1,480】
呢道菜必點～必點～必點❗️
同埋book 位時記得預訂～真係有錢都未必食到
因為老板要事前落魚檔揀條靚斑
奶白色既鮮魚湯 + 脆米既米香 + 嫩滑新鮮既東星斑
無論係色、香、味都完全兼顧到
最特別係店員會以超純熟既技巧
係食客面前作最後烹調～超吸睛🥰
.
【🧑🍳 鮮菠蘿拔絲脆皮咕嚕肉 $138】
鎮店之寶菜式之一😎獨特之處在於製作咕嚕肉時
以山楂、蜜糖取代一般既麥芽糖～以達到拔絲既效果
外層脆皮爽脆並夠薄身
豬肉係肥瘦適中既豬筋肉～腍得黎有嚼口
菠蘿都好有誠意🍍酸酸甜甜又夠Juicy 💦
.
【🧑🍳上湯腿蓉津白 $68/位】
另一誠意之作🥳無諗過普通既津白可以咁有特色
以熱碟呈上原棵津白～仲配刀叉食好矜貴❗️
非常軟腍～事前功夫加上蒸燉過程起碼超過兩小時
上湯夠濃郁🤤比起以忌廉或者奶油煮更顯功架心思
而且健康好多😼
.
【🧑🍳焦糖燉蛋配桃膠鮮果粒 $38/位】
食到幾飽都好一定要試試佢地既甜品
的的骰骰食完唔會有負擔
味道層次豐富👍🏻繼續有鮮菠蘿既身影
今次加入桃膠營養價值更高
仲有個驚喜位唔係度講🤐食既時間你就知道😍
.
【🧑🍳紅豆沙 附送】
多謝店員見我地食到咁滿足～就送多幾碗紅豆沙俾我地
紅豆沙唔會太甜而且起哂沙🥳
食完真係捧住個肚走🐽勁滿足
.
之後食飽飽臨離開前有幸見到老板銓哥～仲傾左幾句
睇到出佢對餐飲既熱誠、食物品質既追求
亦好有心希望推廣新派又不失傳統既粵菜俾大家
而且不得不提呢度既服務好親切細心
無論添茶、換碟、介紹菜式等等都做到💯
總括黎講～～
呢個價位就食到巧手功夫菜真係好難得👍🏻值得支持
Post
