Candy Shake (Closed)

香港近來越黎越多雪糕店，除左口味令人意想不到之外，賣相亦愈趨精緻。位於旺角登打士街既Candy Shake主打糖果奶昔，所以牆身都用上唔同口味既糖果黎做裝飾，搶眼繽紛，而且令人有耳目一新感覺。榴槤貓山皇雪糕 $30膠杯分開兩層，方便店員將乾冰放o係兩個杯中間營造飄雪效果，一講起乾冰，相信唔少人都會諗起志明與春嬌既浪漫關係，而呢杯雪糕上面灑滿彩色朱古力粒粒又好有少女感覺。雪糕味道冇辜負到我既期望，雪糕榴槤味濃郁但唔會過甜，口感細膩幼滑，奶味重得黎又唔會蓋過榴槤味，反而令到杯雪糕更加creamy。見到牆身掛住既蛋糕燈箱，原來芝士蛋糕都可以有榴槤味，下次有人生日就可以買個試下。