神燈海鮮酒家 (18廣場)

Open Now

Now Closed

朋友好鍾意食义燒及乳豬，佢上次响神燈食完之後就推介叫我哋一定要去試下，包保我哋食完都俾心心💕，講到咁正，當然要去試下喇😝。🥢即燒乳豬(1/4)$258乳豬皮質光滑，皮薄酥脆，肉質軟嫩，唔會太肥膩亦唔會太瘦，口感正，肉味甜香👍。🥢伊比利亞叉燒皇$258厚切叉燒，烤得好靚仔，色水潤澤又有濃邊，肥瘦適中，脂肪入口即溶，肉質鬆軟中亦不失口感，蜜味濃郁亦帶點焦香🤩。🥢星洲麥皮蝦$268用上連殼原隻大蝦，肉汁完全被鎖住，鮮甜多汁又爽彈，與麥皮甜香脆卜卜嘅口感合併，鹹鮮味美嘅配搭😋。🥢濃湯一級浸翡翠$168菜心削去外皮，爽脆鮮嫩，一級竹笙果然好厚身，口感爽滑，兩者完全吸收哂濃濃嘅湯汁，滋味😙。🍚白飯有咁靚嘅义燒當然要叫碗白飯喇，飯質都唔錯喎。🍮牛奶布甸$25口感滑溜綿密，奶味香濃。